မြန်မာလူငယ်သတင်းစုံ သက်ငယ်မုဒိမ်းမှုပပျောက်ရေး ပညာပေးဆောင်းပါး/ဝတ္ထုတိုပြိုင်ပွဲ ပြိုင်ပွဲဝင် ဝတ္ထုတို ,[စုန်း]
❆ ဆိတ်လက်များမှ ဝေးစေချင် ❆
တစ်နေ့
ဈေးမှဆိုင်ကယ်ဖြင့်ပြန်လာခိုက်အိမ်ထဲသို့ပင်မဝင်ရသေးအသံတစ်သံကိုခြံပြင်မှပင်ကြားနေရသည်။နှစ်ယောက်သံမဟုတ်။တစ်ယောက်တည်းအသံ....
"ဘယ်မိမဆုးံမ၊ကလေကဝတွေကလုပ်သွားတယ်မသိဘူး။ဒါသက်သက်ဖျက်စီးသွားတာ"
မနေသာတော့။ဆိုင်ကယ်ကိုဖြေးညင်းစွာအိမ်ရှေ့မှာရပ်။အသံလာရာပန်းအိုးတွေထားသောနေရာသို့သုတ်ခြေတင်သွားကြည့်မိသည်။ဆိုင်ကယ်ရှေ့ခြင်းမှသားငါးများပင်လှည့်မကြည့်အား။တွေ့ပါပြီ။အသံရှင်ကအခြားမဟုတ်။ကျွန်မ၏နှစ်ယောက်မရှိသော်အပျိုကြီးဒေါ်နန်းဇာနွယ်....
"ဘာဖြစ်တာလဲ"
"တွေ့လား။ပန်းဖူးတွေကိုခြွေသွားတာ။အခုကပန်ဖို့လည်းမဟုတ်။အဖူးတွေကိုမှရွေးဖျက်စီးသွားတာ"
ခေါင်းရင်းဘက်ခြံနှင့်ကပ်လျှက်တွင်တန်းစီစိုက်ထားသော်နှင်းဆီအိုးများမှအဖူးများကိုလက်သဲဖြင့်ဆိတ်ကစားသွားခြင်းဖြစ်သည်။ခြံကသစ်ပြားများဖြင့်ခန့်ကျဲကျဲလေးကာထားတော့လက်နှင့်နိုက်၍ရသည်။လူကြီးတော့မဟုတ်တန်ရာ။ကလေးများသာဖြစ်မည်။
"ပန်းအိုးတွေနေရာရွေ့လိုက်လေ။ဒါဆိုလက်နိုက်လို့မမှီတော့ဘူးပေါ့"
"ဘာသိလို့်လဲ။အိမ်ထဲကအိုးတွေလည်းတခါတလေထိတယ်ဟဲ့။ခြံကမလုံတော့တိုးဝင်ပြီးလက်ကမြင်းသွားတာ"
ပါးစပ်ကသာပြောနေတယ်လက်ကပန်းပင်ရေလောင်းမပျက်။ကျွန်မလည်းမနန်းရေလောင်းနေသောရေပန်းမှရေပွားများကိုငေးကြည့်နေစဉ်ဘေးအိမ်မှအသံတစ်သံ.....
"အမလေးနော်။ဒီနေ့သတင်းစာထဲသက်ငယ်မုဒိမ်းပါလာပြန်ပြီ"
ဘေးအိမ်ကပြောသံတစ်စွန်းတစ်စ၊မနန်းရဲ့နှုတ်ကပွစိပွစိ၊သက်ငယ်မုဒိမ်း၊တဝက်တပျက်အဆိတ်ခံထားရသောပုံပျက်ပန်းပျက်ပန်းဖူးလေးများ။အားလုးံအာရုံထဲတွင်ရစ်သိုင်းလို့အတွေးများကဟိုးဆယ်စုနှစ်ကျော်များဆီသို့....။
~~~~~~~~~~~~
အချိန်က၂၀၀၅ဝန်းကျင်၊ကျွန်မတို့မြို့ကြီးပေါ်သို့မပြောင်းလာသေးမိကာလ၊ကလေးဘဝအရွယ်တွင်ဖြစ်သည်။ကျွန်မတို့နေသောမြို့ငယ်လေးသည်အလွန်စည်ကားသောဆိပ်ကမ်းရှိရာမြို့တစ်မြို့။ရွာတွေဘက်မှမြို့များသို့တက်လိုလျှင်ကျွန်မတို့မြို့ငယ်မှတဆင့်သွားရသည်။မြို့ငယ်တွင်(၁)ရပ်ကွက်၊(၂)ရပ်ကွက်၊(၃)ရပ်ကွက်၊စသဖြင့်ရှိရာကျမတို့နေသောရပ်ကွက်သည်ဆိပ်ကမ်းနှင့်အနီးဆုးံ၊လူအစည်ကားဆုးံရပ်ကွက်တခုဖြစ်သည်။လှေများသည်မြို့သို့်တစ်နေ့တခေါက်တက်သည်။
လှေမမိသောလူများတည်းခိုနိုင်ရန်တည်းခိုခန်းလည်းရှိသည်။ထိုအပြင်ရေဝယ်ရေချိုးလို့ရသော်ရေစက်များလည်းကျွန်မတို့လမ်းတွင်၂ခုတောင်ရှိသည်။ကုန်စုံဆိုင်ကြီးများလည်း၃\၄ဆိုင်မက။ပျော်ဖို့ကောင်းသောလူစည်ကားသောကျွန်မတို့လမ်း။ခါတိုင်းရက်တွေထက်လူစည်ကားပြီးပျော်ဖို့မကောင်းသောရက်သို့တစ်နေ့.....
"အမလေး။ကျွန်မသမီးအဖြစ်ကိုကြည့်ပါဦး။လူမဆန်လိုက်တာ။အဟင့်အဟင့်အီးဟီးအီး"
ကျွန်မတို့လမ်းမှရေစက်ပိုင်ရှင်ဒေါ်သိန်းမေ၏အော်ဟစ်ငိုသံနှင့်အတူသူ့သမီးဂျပုမကိုပွေ့ချီကာလမ်းမဘက်သို့ပြေးလာသည်။လူအုံကြီးကလည်းအနောက်တွင်ဘာဖြစ်တာလဲဟုတမျိုး၊ဆေးရုံမြန်မြန်ပို့ဆိုတာကတဖုံအသံတွေအသံတွေကများစွာ။ထိုထဲတွင်ကျွန်မအပါအဝင်။ဘာလဲဘာလဲပေါ့။ဂျပုမကိုသေချာကြည့်မိတော့သူ့ဘောင်းဘီဖြူဖြူပါးပါးလေးတွင်အနီကွက်အနီကွက်သွေးများ။
ဂျပုမ၊ဂျပုမဆိုတာကကျွန်မတို့နှင့်ရွယ်တူအသက်တူ၊ဆိုးဖော်ဆိုးဖက်၊ဆော့ဖော်ဆော့ဖက်သူငယ်ချင်း။သူငယ်ချင်းရဲဖြစ်အင်ကြောင့်ကျွန်မလည်းအော်ဟစ်ငိုနေသောဒေါ်သိန်းမေကိုလူကြီးဂိုက်ဖမ်းကာအကျိုးအကြောင်းမေးဖို့်အသွား.....
"ဘယ်လဲသဲသဲ"
"ဒေါ်သိန်းမေကိုသွားမေးမို့၊ဂျပုမဘာဖြစ်တယ်သိဘူး။ငိုနေတယ်။အားကြီးငိုနေတာဘဲ"
"နင့်နဲ့ဘာဆိုင်လို့လဲ။သွားစမ်း။အိမ်ထဲသွားနေ။ကလေးကလေးလိုမနေဘူး။တအားစပ်စုတာဘဲ"
ကျမကြောက်ရတဲ့ဦးလေးရဲ့အော်ငေါက်စကားတစ်ခွန်းကကျမခြေလှမ်းများကိုနောက်သို့ပြန်လှည့်စေခဲ့သည်။ထိုနေ့ကထို့အဖြစ်အပျက်အကြောင်းစုံကိုမသိခဲ့ရပေမယ့်။နောက်နေ့များတွင်တော့.....
အဖြစ်အပျက်ကဒီလို။
ဂျပုမတစ်ယောက်တည်းရေစက်စောင့်ခိုင်းရာကစတင်ခြင်းဖြစ်သည်။ခါတိုင်းလည်းစောင့်ခိုင်းနေကြ။ရေကဖြည့်ထားပြီးသား။ရေလာဝယ်သူ၊ရေလာချိုးသူများအားပိုက်ဆံကောက်ပေးရုံသာဖြစ်သည်။ကလေးပီပီtvတစ်လုးံနှင့်လွှတ်ထားလိုက်လို့ကတော့အကြိုက်ပေါ့လေ။မသာမာသူလူယုတ်မာကလည်းကလေးတယောက်တည်းရှိနေတုန်းရေလာဝယ်သူ၊ရေလာချိုးသူများလည်းမရှိခိုက်သူ့အကွက်ထဲဝင်သွားခြင်းသာဖြစ်မည်။
~~~~~~~~~~~~
ရေမှုန်ရေမွှားများကပန်းပင်များပေါ်သို့တဖွဲဖွဲ။ရေဥကလေးများကပန်းပင်၊ပန်းပွင့်၊ပန်းဖူး၊ပန်းရွက်များတွင်တွဲလွဲခိုလို့။နေရောင်အထိုးမှာတော့ရေပန်းကြားမှသက်တန့်ရောင်လေးကပန်းခင်းလေးကိုအလှဆင်၊ကြည်နူးလိုက်သည့်မြင်ကွင်း၊ပန်းဖူးဆိတ်သူသာမရှိခဲ့လျှင်နံနက်ခင်းအလှကလှသထက်လှ၍အေးချမ်းကာတည်ငြိမ်နေမည်ကအမှန်ပင်ဖြစ်သည်။
"ကဲ...မနန်းရေ...။ညီမလေးဟင်းသွားချက်တော့မယ်။ငါးတွေဒီအတိုင်းထားခဲ့ရတာ။အိမ်နောက်တောင်သွားမထားခဲ့ရဘူး"
"အေအေညီမလေး။မနန်းလည်းရေလောင်းလို့ပြီးပါပြီ။တို့ညီအမတွေအတူတူချက်တာပေါ့။ဟိုအကုသိုလ်သာမဝင်ရင်ရေလောင်းပြီးတာကြာပေါ့"
"ပြောမနေပါနဲ့တော့မနန်းရယ်။ကိုယ့်ဘက်ကလည်းပြင်စရာရှိတာပြင်၊ထိန်းစရာရှိတာထိန်းရမှာမှတ်လား။ဟင်းချက်ပြီးမှပန်းအိုးတွေဒီဘက်ရွေ့ရအောင်။ခြံကိုတော့နောက်နေ့မှလူခေါ်ပြီးပြင်ခိုင်းရမယ်"
အဖူးလေးတချို့တော့သွားရှာပြီ။နောက်ပန်းဖူးများလက်ဆိတ်မထိဖို့ကာစရာရှိတာကာ၊မထားသင့်တဲ့နေရာမှာမထားဖို့....
ပန်းဖူးပန်းနု
ဆိတ်ကာပြု
ဒီလက်တော်တော်ရိုင်း ။
မပွင့်မီဖူး
ဒီပန်းဦး
သမီးငယ်နှင့်နှိုင်း ။
ကာကာကွယ်မယ်
ဝန်းကျင်ဝယ်
ကိုယ်ချင်းစာသူတိုင်း ။
ဝန်းရံတွဲလက်
မြဲစေလျှက်
ပန်းပွင့်ရနံ့သိုင်း ။ ။
စုန်း
ကိုယ်တိုင်ရေး မည်သည့်နေရာမှမပို့ဖူးပါကြောင်း
ပြိုင်ပွဲဝင် ပေးပို့သောစာမူကို မူရင်းအတိုင်းသာဖော်ပြပါသည်။
Post a Comment