လောပမ်းလောင်းတို့နေထိုင်ရာတောင်ပေါ်ဒေသ

မိုင်းရှူးတောင်ပေါ် ဒေသမြင်ကွင်း

ကျွန်တော်တို့ ငယ်စဉ်တုန်းက မက်ခဲ့တဲ့ အိပ်မက်တစ်ခု ရှိဖူးပါတယ်။ အဲဒီအိပ်မက်ကတော့ ရိုးရိုးကျောက်တူးသမား ဘ၀ကနေ ကျောက်တူးရင်းနဲ့ ဗြုန်းခနဲဆို သန်းကြွယ်သူဌေးဖြစ်ပြီး ချမ်းသာသွားတဲ့ စိတ်ကူးယဉ်အိပ်မက်မျိုးပေါ့ဗျာ။

လူတိုင်း ဒီလိုအိပ်မက်မျိုးကိုမက်ပြီးတော့ စိတ်ကူးယဉ်ဖူးကြပါလိမ့်မယ်။ ကျွန်တော် သိတတ်စအရွယ်တုန်းကဆိုရင်လည်း ဒီလိုအိပ်မက်မျိုးတွေနဲ့ ရူးသွပ်ပြီး စွဲလမ်းခဲ့ရ ဖူးပါတယ်။

ပတ္တမြားထွက်ရာ မိုင်းရှူးတောင်ပေါ်

နိုင်ငံကျော်အဆိုတော် စိုင်းထီးဆိုင်ဆိုထားတဲ့ သီချင်းတစ်ပုဒ်ရှိပါတယ်။ “တကယ်တော့ ကျောက်တူးသမားများဟာ လောပန်းလောင်းတွေပါ။ “ဒီတစ်ကျင်းမရရင် နောက်တစ်ကျင်း၊ ဇွဲလက်မလျှော့ပါဘူး” ဆိုပဲလေ။ ကျောက်တူးသမားတွေအတွက် အားတက်စရာ သီချင်းလေးတစ်ပုဒ်ပေါ့ဗျာ။

မိုင်းရှူးကို အခါအခွင့်သင့်တိုင်းလည်း ကျွန်တော်ရောက်ပါတယ်။ အထူးသဖြင့် ၁၉၉၆ လွန်ကာလတွေမှာ မိုင်းရှူးခေတ် အင်မတန်ထနေချိန်ပေါ့ဗျာ။ မိုင်းရှူးကို ကျောက်တူးရင်းနဲ့လည်းကောင်း၊ ဒုက္ခသည်စခန်းတွေ ကိုရောက်ရင်းနဲ့လည်းကောင်း အမြဲတမ်း ရောက်ပေမယ့်လည်း ကျောက်တူးတဲ့နေရာကိုတော့ တစ်ခါမှမရောက်ဖူးဘူး။ ရွာတွေဆီပဲ ရောက်တာများတယ်။ ကျောက်တူးတဲ့နေရာကလည်း လုံးခင်းတို့၊ မိုးကုတ်တို့လို အပြင်လူတွေကိုလည်း ပေးမ၀င်ဘူးလေ။ တစ်ပိုင်တစ် နိုင်လုပ်သားတွေလည်းနည်းတယ်။

မိုင်းရှူးမှာ တစ်ပိုင်တစ်နိုင် လက်လုပ်လက်စားတွေကို ချထားပေးတာမျိုးမရှိပါဘူး။ ကုမ္ပဏီနဲ့ လုပ်ကွက်တွေကို မိုင်းရှူးကျောက်မျက်ရတနာ တူးဖော်ရေးဌာနမှာ စာရင်းတင်ရပါတယ်။ တင်ပြီးတော့ တရားဝင်လုပ်ပိုင်ခွင့်ရတဲ့ လုပ်ကွက်မှာမှ လုပ်လို့ရပါတယ်။

လုပ်ကွက်သူဌေး (ခ) လောပန်းတွေဟာ ပြင်ပက လက်လုပ်လက်စားတွေကို တစ်ပိုင်တစ်နိုင် ချထားပေးလိုက်ပါတယ်။ တစ်ကျင်းဆိုရင် ကျင်းဝကျင်းစား လေး၊ ငါးဦးလောက် ပြန်ချထားပေးလိုက်တယ်။ ကျင်းစား တစ်ကျင်းပတ်လည်ကို သိန်း ၅၀၊ ၁၀၀ စသဖြင့်ပေါ့လေ။ မြတ်တာလည်းမြတ်သလို ရှုံးတာလည်း ရှိတာပေါ့။ ကျင်းဝတွေကနေ ကိုယ့်ကျင်းအတိုင်းတူးရင်းနဲ့ အတွင်းထဲမှာ ကြွက်တွင်း ပေါက်တွေလိုပဲ သွားဆုံရင်းနဲ့ ခွဲခြားမျှစားကြတာပေါ့။

ကျောက်မျက်ရတနာ လုပ်ကွက်နဲ့ ကုမ္ပဏီတွေကနေ ထွက်ရှိလာတဲ့ ကျောက်မျက်ရတနာတွေကို မိုင်းရှူးကျောက်မျက်ရတနာ တူးဖော်ရေးဌာနကို တွင်းဝခွန် ဆောင်ရပါတယ်။ ထွက်ရှိလာတဲ့ ကျောက်တွေကို ဌာနကို ပြသရပြီး အခွန်ဖြတ်ရတယ်လို့လည်း လက်ထောက်ညွှန်ကြားရေးမှူးဖြစ်သူက ပြောပါတယ်။

မိုင်းရှူးမှာ ၂၀၁၆ - ၂၀၁၇ ခုနှစ် ဘဏ္ဍာနှစ် တစ်နှစ်တာအတွင်း ပတ္တမြားကျောက်မျက်ရိုင်း ကရက်ချိန်ပေါင်း ၁၁ သိန်း ကရက်သာ ထွက်ရှိတယ်လို့ ကျောက်မျက်ရတနာတူး ဖော်ရေးဌာနက ဆိုပါတယ်။ မိုင်းရှူးကျောက်မျက်ရတနာ တူးဖော်ရေးလုပ်ငန်းများကြောင့် သဘာဝပတ်ဝန်းကျင်ထိခိုက်မှု အနည်းဆုံးဖြစ်ပြီး ရေများညစ်ညမ်းမှု၊ ထိခိုက်မှုလည်းမရှိကြောင်း သူကပြောပါတယ်။

ယခင်က မြေစတင်ထွက်ရှိပြီး နောက်ပိုင်းမှ ခဲကြောထွက်ရှိသဖြင့် ယခုအခါ ခဲကြောများကို တူးဖော်ကြခြင်းဖြစ်ကြောင်း သိရသည်။

လျှပ်စစ်မီးသွယ်တန်းခြင်းနှင့် လမ်းခင်းတော့မည်

မိုင်းရှူးမြို့မှ တောင်ပေါ်မိုင်းရှူးဟိုဆိုင် ကျေးရွာအုပ်စု မြန်မာ့ကျောက်မျက်ရတနာ ရောင်းဝယ်ရေးလုပ်ငန်း ဗဟိုကော်မတီမှ CSR ဒေသဖွံ့ဖြိုးရေး ရန်ပုံငွေအဖြစ် အမေရိကန်ဒေါ်လာ တစ်သန်းကို ရှမ်းပြည်နယ်အစိုးရထံ လွှဲပြောင်းပေးပြီး မြန်မာငွေ ကျပ် ၁၃၆၀၀ ဖြင့် လျှပ်စစ်မီးသွယ်တန်းခြင်း သိန်းပေါင်း ၅၀၀၀၊ လမ်းကို သိန်းပေါင်း ၈၀၀၀၊ မိုင်းရှူးမြို့ ရေလှောင်ကန်ကို သိန်း ၆၀၀ တို့ဖြင့် ဆောင်ရွက်တော့မည်ဖြစ်ကြောင်း သိရပါတယ်။

ယခုအခါ နမ့်တောင်ကနေ လွိုင်ဆောင်ထောက်သို့ရောက်ရန် ရှစ်မိုင်သုံးဖာလုံအကွာကို လမ်းဖောက်ရန်လျာထားပြီး ရှစ်မိုင်ကို ကျောက်ကြမ်းလမ်း၊ သုံးဖာလုံကို ကတ္တရာ လမ်းဖောက်မှာ ဖြစ်ပါတယ်။ လွိုင်ဆောင်ထောက် တောင်ပေါ်အထိရောက်ရှိရန် ကျန်တဲ့ တစ်မိုင်ငါးဖာလုံအကွာအဝေးကို ကိုယ်ထူကိုယ်ထ အစီအစဉ်ဖြင့် ကတ္တရာလမ်းခင်းမှာဖြစ်ပြီး ဒေသခံများက မေလကုန်ပြီးစီးနိုင်ဖို့ ကြိုးစားဆောင်ရွက်နေတာ ဖြစ်တယ်။

လျှပ်စစ်မီးလင်းနိုင်ရန် အတွက်ကိုလည်း ဧပြီလကုန်တွင် လွယ်ဆောင်ထောက် မြို့အ၀င်အထိရောက်အောင် ဓာတ်တိုင်များစိုက်ထူ ခြင်းနဲ့ ကြိုးသွယ်တန်းခြင်းများ ဆောင်ရွက်နေတာကို မြင်တွေ့ရပါတယ်။

အခုလို လမ်းခြင်းခြင်းအပေါ်မှာ ဒေသခံတွေကတော့ မှန်မှန်ကန်ကန် မခိုးမ၀ှက်တမ်း လုပ်ပေးကြဖို့ တောင်းဆိုထားကြပါတယ်။

အမြင့်ပေ ၅၀၀၀ မြင့်တဲ့ တောင်ပေါ်ဒေသကို ဆိုင်ကယ်ကယ်ရီများဖြင့် တက်ကြရပြီး တစ်ကြိမ်ကို တစ်သောင်းယူပါတယ်။ ဆိုင်ကယ် ကယ်ရီတွေကတော့ DT ဆိုင်ကယ်ကြီးများဖြင့် တက်မှသာ စိတ်ချရပါတယ်။ ဆိုင်ကယ်အသေးလေးများဖြင့် တက်လို့အဆင်မပြေနိုင်တော့ပါ။ မိုင်းရှူးမြို့မှ တောင်ပေါ် ဟိုဆိုင်ကျေးရွာ အုပ်စုကိုတက်ရာမှာ နမ့်တောင်ကျေးရွာအုပ် စုကိုရောက်ရင် ခရီးလမ်း တစ်ဝက်ကျိုးပြီလို့ ပြောလို့ရပြီး ခရီးမိုင်အကွာအဝေး ၁၂ မိုင် ရှိပါတယ်။

နမ့်တောင်ရွာမှစတင်ကာ အတက်လမ်း ကြမ်းစတင်ပြီး မြေသားလမ်းဖုန်မှုန့်များ ထူထပ်နေသည်ကို မြင်တွေ့ရမှာ ဖြစ်ပါတယ်။ မြေသားလမ်းများဟာ ဖုန်မှုန့်ခြောက်လက်မခန့်ရှိပြီး ဖုန်များဟာ ပေါင်ဒါမှုန့်များလို့ မှုန့်ညက်နေတာကိုလည်း မြင်တွေ့ရပါတယ်။ တောင်ထိပ် S ကွေ့များစွာနှင့် အတက်ရှည်များတို့ဟာ နာမည်ကြီး လမ်းဆိုးများဖြစ်ပြီး တစ်ဖက်မှာ ချောက်ကမ်းပါးကြီးကို လှမ်းမြင်နေရမှာ ဖြစ်ပါတယ်။ တောင်တက်ရာမှာ ပစ္စည်းတင်ဆောင်သော လေးလုံးထိုး ထော်လာဂျီကားကြီးများဖြင့်လည်း တက်နေကြပြီး ကားငယ်များဖြင့်လည်း အပေါ်ထိရောက်အောင် တက်နေကြတာလည်း တွေ့ရပါတယ်။

လမ်းတစ်လျှောက်မှာ ကျေးရွာတွေကို မြင်တွေ့ကြရပြီး တစ်ခါတစ်ရံလား၊ မြည်း၊ တို့ဖြင့် ကုန်စည်များ တင်ဆောင်သွားလာ နေကြတာကိုလည်း မြင်တွေ့ရပါတယ်။ မိုင်းရှူး ရတနာမြေတောင်ပေါ်မှာ လုပ်ကွက်နှင့် ကုမ္ပဏီပေါင်း ၇၀၀ ကျော်ချထားပေးပြီးတော့ တစ်ပိုင်တစ်နိုင်များ လုပ်ပိုင်ခွင့်ချထားခြင်း မရှိကြောင်း ကျောက်မျက်ရတနာ တူးဖော်ရေး (မိုင်းရှူး) မှ လက်ထောက်ညွှန်ကြားရေးမှူးက ပြောပါတယ်။

မိုင်းရှူးတောင်ပေါ် ၀မ်ကန်၊ ကုန်းမြင့်သာ၊ လွိုင်ဆောင်ထောက်တို့ စသောကျေးရွာများ ပါဝင်ပြီးတော့ အိမ်ခြေပေါင်း ၁၈၀၀ ကျော်၊ လူဦးရေပေါင်း နှစ်သောင်းကျော် မှီတင်းနေထိုင်ကြတာ ဖြစ်ပါတယ်။ မိုင်းရှူးရတနာ တောင်ပေါ်ဒေသဟာ ၁၉၉၁ ခုနှစ်ကာလမှာ စတင်ခေတ်စားလာပြီး ၁၉၉၃ - ၁၉၉၄ ခုနှစ် ကာလတွေမှာ လုပ်ပိုင်ခွင့်နဲ့ လုပ်ကွက်တွေချထားပေးရင်း လူသိများလာကြတာ ဖြစ်ပါတယ်။ မိုင်းရှူးခေတ်ကောင်း ကြုံတဲ့သူများလည်းရှိသလို မိုင်းရှူးကြောင့် ဘ၀ပျက်သွား ကြသူတွေလည်း ဒုနဲ့ဒေးအများကြီး ရှိပါတယ်။

မိုင်းရှူးရတနာမြေ တောင်ပေါ်ဒေသမှာ အဓိကအားဖြင့် ကျောက်မျက်ရတနာ တူးဖော်ရေးလုပ်ငန်းတစ်ခုတည်းကိုသာ အဓိက အားထားမှီခိုလုပ်ကိုင်ကြပြီးတော့ ကျန်ရှိနေထိုင်သူများက ကျောက်လုပ်ငန်းနဲ့ ဆက်စပ်လုပ်ငန်းများကို စားဝတ်နေရေးအတွက် ရောင်းဝယ်ဖောက်ကားနေတဲ့ ကုန်သည်နဲ့ ဈေးသည်တွေပဲ ဖြစ်ပါတယ်။ တောင်ပေါ် ဟိုဆိုင်ကျေးရွာအုပ်စုဟာ ကျေးရွာအုပ်စု နာမည်ပေါက် တစ်ခုပဲရှိပြီး ပြည်ထဲရေးနာမည်ပေါက် ကျေးရွာများ မဖြစ်သေးတာကြောင့် ကျူးကျော်ကဲ့သို့ အခွင့်အရေးနည်းပါးပြီး ဘတ်ဂျက်များမရရှိတာကြောင့် ဖွံ့ဖြိုးတိုးတက်မှုလည်း နှောင့်နှေးခဲ့ရတယ်လို့ ဒေသခံများက ပြောဆိုကြပါတယ်။

မိုင်းရှူးခေတ် ကုန်ပြီလား

မိုင်းရှူးကျောက်ရောင်းဝယ်ရေး အခြေအနေဟာ ဧပြီလလိုမျိုး နွေရာသီတွေမှာ ကျောက်ရောင်းဝယ်ရေးဈေးကွက် အေးလေ့ရှိတယ်လို့ တစ်ပိုင်တစ်နိုင်တူးဖော်သူတွေနဲ့ ရောင်းဝယ်သူတွေက ဆိုပါတယ်။ နွေရာသီမှာ ရေခန်းပြီး ရေရှားပါးတာကြောင့် တစ်ပိုင်တစ်နိုင် တူးဖော်သူများဟာ အခက်အခဲတွေ့တယ်လို့ ပြောပါတယ်။ မိုးရာသီရေပေါချိန်မှာ တူးဖော်ရတာ ကျောက်ပိုရတတ်ပြီး ဈေးကောင်းလည်း ပြန်ရတယ်လို့ သိရတယ်။ ကျောက်ဈေးကွက်အေးတာကြောင့် တစ်သိန်းတန်ကျောက်ဆိုရင် နှစ်သောင်း၊ သုံးသောင်းလောက်ပဲ ရတော့တယ်လို့ ရောင်းဝယ်သူတွေက ပြောပါတယ်။

ကျောက်သမားတွေ ပြောလေ့ရှိတဲ့စကား ကတော့မကောင်းခြောက်လ၊ ကောင်းခြောက်လ ဆိုတာပါပဲ။ မိုင်းရှူးကျောက်တွေကို ပြည်တွင်းဝယ်လက်နည်းပါးပြီး တစ်ခါတလေ ရန်ကုန်ကိုရောင်းလေ့ရှိကာ အဓိကအားဖြင့် ယိုးဒယားဈေးကွက်တစ်ခုကိုသာ မှီခိုအားထားနေရကြောင်း ပြောပါတယ်။

မိုင်းရှူးမှာ အဓိကအားဖြင့် ပတ္တမြားရိုင်း တစ်မျိုးတည်းသာထွက်ရှိပြီးတော့ မြေကျောက် (လူးကျောက်)၊ ခဲကျောက် (စကျင်ကျောက်) နဲ့ သံလွင်ကျောက်စသော အမျိုးအစားသုံးမျိုး ထွက်ရှိတယ်လို့ ဆိုပါတယ်။ မိုင်းရှူးလုပ်ကွက်ကြီးတွေက ထွက်ရှိတဲ့ ကျောက်တုံးလေးတွေက အင်မတန်လှပါတယ်။ လုံးချောပြီး စကျင်ကျောက်ခွဲသား အသေးတွေဆိုရင် အလှဆင်ရင်ကောင်းမယ်လို့ တွက်မိပါတယ်။

လွယ်ထောက်ဆောင်မြို့တွင်း

မိုင်းရှူးတောင်ပေါ်ဒေသမှာ မြို့တွင်းလမ်းဟာ တောင်ကြောကို ပင်မလမ်းမကြီး ဖောက်ထားပြီး လမ်းတစ်ဖက်တစ်ချက်မှာတော့ ချောက်ကမ်းပါးကြီးကို မြင်တွေ့ရတာဖြစ်တယ်။ မြို့တွင်းပိုင်းမှာတင် အိမ်တွေပြွတ်သိပ်နေအောင် ဆောက်ထားပြီးတော့ အောက်ခြေချောက်ထဲမှာလည်း အိမ်လေးတွေ သေးသေးလေးတွေ ဆောက်ထားတာ မြင်ရပါတယ်။

မြို့တွင်းကနေ တက်သွားလိုက်ရင် အတက်လမ်းကတော့ အင်မတန်ကြမ်းပြီး အတက်လည်းကြီးပါတယ်။ မြို့တွင်းလမ်းကတော့ ကတ္တရာလမ်းတွေ ခင်းထားပါတယ်။ မြို့တွင်းဝင်ခါနီးချိန်မှာတော့ လမ်းတွေစတင်ကောင်းလာတာ ဖြစ်ပါတယ်။ မိုင်းရှူးတောင်ကြောပေါ်မှာ ကျောက်တူးနေတာကို မြူမှုန်တွေဆိုင်းနေတဲ့ ကြားကနေ မြင်တွေ့ရပါတယ်။ မိုင်းရှူးမှာ အခွန်ရုံး၊ ဟိုဆိုင်ကျေးရွာအုပ်စု ရပ်ကွက်ရုံးနဲ့ ကျောက်မျက်ရတနာ တူးဖော်ရေးဌာနတွေကို တွေ့ရှိရပါတယ်။

မိုင်းရှူး ကျောက်မျက်ရတနာမြေမှ ထွက်ရှိသော အခွန်ဘဏ္ဍာငွေများကို နိုင်ငံတော် ဘဏ္ဍာတော်အတွင်းသို့ တိုက်ရိုက်ရောက်ရှိ နိုင်စေရန် ရှမ်းပြည်နယ်အစိုးရမှ အသေးစိတ် ကြီးကြပ်ကြည့်ရှုစစ်ဆေးပြီးတော့ ပြည်သူလူထုရဲ့ လူနေမှုဘ၀အဆင့်အတန်း မြင့်မားစေရန် အဆိုပါဘဏ္ဍာငွေများဖြင့် ဖော်ဆောင်ပေးသင့်ပါကြောင်း တင်ပြလိုက်ရပါတယ်။

Writer: 

■ စည်သာ (တောင်ကြီး)