စိတ်ဒဏ်ရာ

မည်သူမဆို ငယ်ဘဝကို ဖြတ်သန်းဖူးကြပါလိမ့်မည်။ သို့ သော် သန့်ရှင်းသော၊ ရိုးသား သော၊ ပွင့်လင်းမှန်ကန်သော ကလေးဘဝကို ဖြတ်သန်းခဲ့ရမှ တန်ဖိုးရှိသော ငယ်ဘဝဟု သတ် မှတ်နိုင်လိမ့်မည်ထင်ပါသည်။ ထို့ အပြင် ရိုးသားသော၊ သစ္စာရှိ သော၊ ကိုယ်ချင်းစာတရားရှိ သော၊ အနစ်နာခံဦးဆောင်နိုင် သော လူကြီးတို့နှင့်တွေ့ခဲ့လျှင် ပို မိုအဓိပ္ပာယ်ရှိသော ကလေးတို့ ဘဝမှ တစ်ဆင့်တက်၍ လူကြီး လူကောင်းဘဝသို့ လျှောက်လှမ်း နိုင်လိမ့်မည်ဟု ကျွန်တော်ထင်ပါ သည်။

သို့သော် ရိုးသားမှုမဲ့သော၊ သစ္စာမရှိသော၊ ကိုယ်ချင်းစာ တရားခေါင်းပါးသော၊ ဦးဆောင် မှုမဲ့သော လူကြီးတို့၏ပတ်ဝန်း ကျင်တွင် ကျင်လည်ကြီးပြင်းခဲ့ရ သော ကလေးတို့၏ အနာဂတ်မှာ ရင်နာဖွယ်အတိ ပြီးနေပေလိမ့် မည်။ ကျွန်တော်တို့ငယ်စဉ် မူလ တန်းတွင် သင်ကြားခဲ့ရသော ကျေးညီနောင်ပုံပြင်မှ သူခိုးဓားပြ တို့လက်ထဲ ရောက်သွားသည့် ကျေးကလေးနှင့်မခြား ရှိနေပါ လိမ့်မည်။ ထို့ကြောင့် ‘ကလေး ဘဝသည် လူကြီးတို့၏ဖခင်’ဟု ဆိုခဲ့ကြခြင်း ဖြစ်ပါလိမ့်မည်။ ထို့ နည်းတူ ကျေးဇူးရှင် ဆရာဇော်ဂျီ ကလည်း ‘ယနေ့လူငယ် နောင် ဝယ်လူကြီး၊ သင်လည်းတစ်ဦး၊ သားထူးသားမြတ် ဖြစ်အပ်ရာ သည်’ဟု မိန့်ဆိုခဲ့ခြင်းဖြစ်ပါလိမ့် မည်။ သေချာသည်က ကလေး ဘဝသည် အရည်အချင်းရှိသော လူကြီးတစ်ယောက် ဖြစ်လာရန် အတွက် လိုအပ်သောအခြေခံ အဆောက်အအုံလည်း ဖြစ်လိမ့် မည်ဟု ကျွန်တော်ထင်ပါသည်။

* * *

ကျွန်တော့်တွင် သားလေး တစ်ယောက်ရှိပါသည်။ ဖခင်တစ် ယောက်အနေနှင့် လွန်စွာချစ်ခင် ရသော သားလေးဟုလည်း ဆိုနိုင် ပါသည်။ ကျွန်တော်ချစ်လွန်း သလောက် သားလေးကလည်း ဆော့လွန်းလှသည်။ သူ့အမေနှင့် ဆိုလျှင် တကျက်ကျက်နှင့် ပူညံ ပူညံဖြစ်နေတတ်သည်။ မအေ ဖြစ်သူက ကလေးဆော့သည်ကို သိပ်မကြိုက်။ ကလေးဆိုသည် မှာ လူကြီးက ထိုင်ဆိုလျှင် ထိုင် နေရပြီး ‘ထ’ဆိုလျှင် ထသွားရမည့် သတ္တဝါတစ်မျိုးဟု ထင်နေသည် လား မပြောတတ်။

ကျွန်တော်ကတော့ ကလေး ဆော့သည့်ကိစ္စကို အဆုံးစွန် အထိ သည်းခံနေတတ်သူဖြစ် သည်။ ကလေးဆော့ကစားနေ လျှင် ကျွန်တော် အလိုလိုကျေနပ် နေတတ်သည်။ ထိုကိစ္စနှင့်ပတ် သက်၍ တစ်ခါဖူးမျှလည်း ကျွန် တော့်သားကို အပြစ်မတင်၊ တစ် ခါဖူးမျှလည်း မဆူ မငေါက်ခဲ့ဖူး ပါ။ သို့သော် သူ့အမေနေရာက ကြည့်လျှင် တစ်စုံတစ်ရာသော အန္တရာယ်တစ်ခုခုနှင့် ကြုံကြိုက် လာလျှင် ၎င်း၏အပြစ် ဖြစ်မည်စိုး ၍သော်လည်းကောင်း၊ သားသမီး ကို ခေါင်းကွဲ၊ ထိပ်ပြဲမဖြစ်စေချင် ၍လည်းကောင်း ဟန့်တားနေခြင်း ဖြစ်လိမ့်မည်ဟု ကျွန်တော်နား လည်ပေး၍ရသည်။

ထို့ကြောင့် ကျွန်တော့်သား လေးက ရပ်ကွက်ထဲတွင် မီးကုန် ယမ်းကုန် ဆော့ကစားတတ်သော ကလေးတစ်ယောက်အဖြစ် အ ရပ်က သတ်မှတ်ထားကြသည်။ သို့သော် ဇနီးသည်ရော ကျွန် တော်ကပါ သားလေး ဆော့ ကစားနေပြီဆိုလျှင် မျက်စိဖွင့် နားကိုစွင့်ကာ အသိအာရုံတစ်ခု လုံး ကလေးအနားတွင် ဖြန့်ကြက် ထားရသည်။

အဘယ်ကြောင့်ဆိုသော် ကျွန်တော်တို့ ငယ်စဉ်ကလို သား လေးခမျာ မလွတ်လပ်ရှာဟုထင် သည်။ ကျွန်တော်တို့ငယ်စဉ်က ဆိုလျှင် ရပ်ကွက်အတွင်းရှိ မည် သူ၏ အိမ်ခြံဝင်းထဲတွင်မဆို တံ ခါးမရှိ အဆီးအတားမဲ့စွာ ဆော့ ကစားခွင့် ရခဲ့သည်။

ထိုစဉ်က အိမ်ခြံဝင်းတွေက လည်း ကျယ်ကျယ်လွင့်လွင့်ရှိလှ သည်။ ပိတောက်ပင်၊ ကုက္ကိုပင် အစရှိသည့် အရိပ်ကောင်းကောင်း ရှိသည့် ခြံဝင်းမျိုးဆိုလျှင် ကျွန် တော်တို့ကလေးတစ်သိုက် ပို၍ သဘောကျတတ်ကြသည်။

အထူးသဖြင့် ကျွန်တော်၏ ငယ်သူငယ်ချင်းတစ်ဦး ဖြစ်သူ ‘ဖိုးစွမ်း’တို့အိမ်တွင် ကစားရသည် ကို ကျွန်တော် ပို၍သဘောကျ သည်။ နွေရာသီဆိုလျှင် သူတို့ အိမ်ရှေ့ရှိ ထင်းရှူးပင်ကြီးအောက် တွင် ကစားကြလေ့ရှိသည်။ ကစား၍မောလျှင် ဖိုးစွမ်းတို့အဖေ ကြီး ဝယ်ပေးထားလေ့ရှိသည့် ‘ရွှေသွေး၊ တေဇ၊ မိုးသောက်ပန်း၊ လှပ’အစရှိသည့် ကလေးဂျာနယ် များကို အားပါးတရ ဖတ်ခွင့်ရခဲ့ သည်။ ဒါကိုမှ မကျေနပ်နိုင်သေး လျှင် တစ်ရပ်ကွက်လုံး ခွေလှိမ့် နိုင်သည်။ စိန်ပြေးတမ်းကစားနိုင် သည်။ မိန်းကလေးတွေနှင့်ရော၍ ထုပ်ဆီးတိုးနိုင်သည်။ ဘောလုံး ကန်နိုင်သည်။ တူတူပုန်းတမ်း ကစားနိုင်သည်။ ဘာပြဿနာမှ မရှိ။

သို့သော် ကျွန်တော်တို့ သား တွေခေတ်ကြတော့ ထိုသို့မဟုတ် တော့။ လွတ်လပ်မှုတွေ ခေါင်းပါး လာသည်။ ရပ်ကွက်ထဲ၊ လမ်းထဲ တွင် ကျယ်ကျယ်ပြန့်ပြန့်ရှိသော ခြံဝင်းတွေ ရှားပါးသွားပြီ။ ကြီး ကျယ်ခိုင်ခံ့ပြီး အရိပ်အာဝါသ ကောင်းသော သစ်ပင်ကြီးမျိုးတွေ ကျဲပါးသွားပြီ။

လူနေသိပ်သည်းမှု ထူထပ် လာသောကြောင့် အချို့သော ခြံ ဝင်းတွေကို ခွဲခြမ်းစိတ်ဖြာ၍ ရောင်းကြရသည်။ အချို့ကတော့ ခြံဝင်းတစ်ခုတည်းတွင် အိမ်ငယ် ကလေးတွေကို အသီးသီးဆောက် ထားကြသည်။ သို့သော် ခြံကျယ် ပြီး အရိပ်အာဝါသကောင်းမွန်စွာ ကျန်ရှိနေသေးသော အချို့အိမ် ကြီးတွေကလည်း ခြံစည်းရိုးကို လုံအောင်ခတ်ကာ ခြံတံခါးတွေ ကို သော့ခတ်ထားကြလေ့ရှိသော ကြောင့် ကလေးတွေ ကစားစရာ နေရာမရှိ။

ထို့ကြောင့် ကျွန်တော့်သား အပါအဝင် ကလေးအတော်များ များက ရပ်ကွက်အတွင်းရှိ လမ်းမ များအပေါ်တွင် ကစားကြရသည်။ ထိုအခါ ဖြတ်သွားဖြတ်လာလေ့ရှိ သော စက်ဘီး၊ ဆိုက်ကား၊ မော် တော်ကား၊ ဆိုင်ကယ် အစရှိ သော အန္တရာယ်တို့ကိုတော့ ကလေးတွေခမျာ မျက်စိရှင်ရှင် ထားကာ ရှောင်ရင်းတိမ်းရင်း ကစားနေကြရရှာသည်။ ထို့ ကြောင့် သူတို့ကစားပွဲတွေသည် ကျွန်တော်တို့တုန်းကလောက် တော့ အရသာ ရှိလိမ့်မည်မထင် ပါ။

* * *

တစ်နေ့ ကျွန်တော်တို့လမ်း ထဲတွင် လွတ်လပ်ရေးနေ့ အထိမ်း အမှတ်အဖြစ် ပျော်ပွဲရွှင်ပွဲကျင်းပ ရန် ပြင်ဆင်ကြသည်။ ထိုသတင်း ကို ကြားသည်နှင့် တစ်ပြိုင်နက် နဂိုကတည်းက ဖိုးဆော့ချင်ဖြစ် နေသော ကျွန်တော့်သားအတွက် ရေငတ်တုန်း ရေတွင်းထဲကျသလို ဖြစ်သွားတော့သည်။

ထို့ကြောင့် ကျွန်တော့်သား က လွတ်လပ်ရေးနေ့တွင်ကျင်းပ မည့် ပြိုင်ပွဲများတွင် သူပါဝင် ကစားခွင့်ရရန်အတွက် တကျည် ကျည်နှင့် ပူဆာနေတော့သည်။ ကျွန်တော်ကလည်း ထုံးစံအတိုင်း ခေါင်းတစ်ချက်ညိတ်လိုက်ရုံဖြင့် ကိစ္စပြီးနိုင်သော်လည်း စိတ်ကခွင့် မပြုချင်ဖြစ်နေသည်။ ဖြစ်နိုင်လျှင် ကျွန်တော့်သားကို မကစားစေ ချင်။ ကလေးအနေဖြင့် ရပ်ကွက် ထဲတွင် အလွတ်သဘောကစား စဉ်က ပြဿနာမရှိသော်လည်း ပြိုင်ပွဲသဘောဆိုလျှင် အနည်း ငယ်တော့ ပြဿနာရှိလာလိမ့် မည်ဟု ကျွန်တော်ထင်သည်။ ထို့ ပြင် ကျွန်တော်ကိုယ်တိုင်၏ ငယ် ဘဝအတိတ် ပုံရိပ်အချို့ကို အာရုံ တွင် ပြက်ပြက်ထင်ထင် ပြန်လည် မြင်ယောင်လာမိခဲ့စေသည်။

ထိုစဉ်က ကျွန်တော့်အသက် မှာ (၁၀)နှစ်သာသာ အရွယ်မျှရှိ သေးသည်။ ထုံးစံအတိုင်း လွတ် လပ်ရေးနေ့ ပျော်ပွဲရွှင်ပွဲကို ပါဝင် ဆင်နွှဲခွင့်ရခဲ့သည်။ ယှဉ်ပြိုင်ခဲ့ရ သည့်ကစားနည်းက ‘အုန်းသီးလု ပွဲ’။ ထိုကစားနည်းကို တစ်ခါမျှ မကစားဖူးဘဲ ထိုနေ့မှ ကစားရ သဖြင့် ကျွန်တော့်အတွက် အထူး အဆန်းလို ဖြစ်နေသည်။ ဆီသုတ် ထားသော အုန်းသီးကို တစ်ဖွဲ့နှင့် တစ်ဖွဲ့ အပြိုင်လုကာ တစ်ဖက် အသင်း၏ဂိုးပေါက်အဖြစ် ထောင် ထားသော သံပုံးထဲသို့ဝင်အောင် ထည့်ရခြင်းဖြစ်သည်။

အုန်းသီးကလည်း ဆီသုတ် ထားသဖြင့် ကိုင်ရတွယ်ရမလွယ်။ လက်နှစ်ဖက်နှင့်ပိုက်၍ အားကုန် ပြေးရသည်။ တစ်ဖက်အသင်းက လိုက်လုသော ကစားသမားတွေ ကိုလည်း ရှောင်ရတိမ်းရသေး သည်။ တစ်ခါတစ်ခါ လက်က လွတ်၍ ခြေခုံပေါ်ပြုတ်ကျလျှင် အသည်းခိုက်အောင် နာတတ် သည်။ ပြိုင်ပွဲပြီးသောအခါ အဝတ်အစား တစ်စုံလုံး ဆီကြေး အထပ်ထပ်ဖြင့် သုံးမရအောင် ပျက်စီးသွားပြီး ခန္ဓာကိုယ်တစ်ခု လုံး မလှုပ်ချင်မသယ်ချင်လောက် အောင် နာကျင်ကိုက်ခဲနေတော့ သည်။ ပို၍ဆိုးသည်က ခြေ ထောက်တွေမှာ ထောက်၍မရ နိုင်တော့လောက်အောင် ရောင် ကိုင်းနေခဲ့သည်။

ပင်ပန်းရကျိုးတော့ နပ် သည်ဟုဆိုနိုင်ပါသည်။ ကျွန် တော်တို့အသင်းက ပထမဆုရခဲ့ သည်။ ထို့ကြောင့် ခြေခုံတစ်ခုလုံး နာကျင်ကိုက်ခဲ ရောင်ရမ်းနေ သည်တို့ကို အပျော်နှင့်ဖြတ်ပြီး ညဘက်တွင်ကျင်းပသော ဆုပေး ပွဲစင်မြင့်နားတွင် မယောင်မလည် နှင့် အချိန်ကုန်နေခဲ့သည်။ သို့ သော် တကယ်ဆုရခဲ့တော့ ဘော ပင်သုံးချောင်းမျှသာ ဖြစ်သည်။ ကျွန်တော်တို့အဖွဲ့တွင် အသင်း သား သုံးယောက်ဖြစ်သော ကြောင့် တစ်ယောက်တစ်ချောင်း ဆိုသည့်သဘော။ ထိုဘောပင်၏ တန်ဖိုးမှာလည်း တစ်ချောင်းငါးမူး သာတန်သည်။

ထိုအခါ လက်ထဲရောက်လာ သော ဘောပင်လေးတွေကိုကိုင် ကာ ကျွန်တော်တို့ သူငယ်ချင်း သုံးယောက်စလုံး ကြက်သေ သေ နေခဲ့ကြသည်။ တစ်ယောက်မျက် နှာတစ်ယောက်ကြည့်ကာ ဘာ လုပ်လို့ ဘာကိုင်ရမှန်းမသိကြ တော့။ ထိုစဉ်က ကလေးတို့၏ မုန့်စားပြိုင်ပွဲတွင်ပင် ကြွေပန်း ကန်ပြား၊ ပြက္ခဒိန် အစရှိသဖြင့် ရကြသေးသည်။ မကျေနပ်၍ ပြိုင်ပွဲတာဝန်ခံလုပ်သည့် ကိုတင် ဝင်းကို မေးကြည့်တော့ ကိုတင် ဝင်းက ထိုကစားနည်းကို သူ၏ခွင့် ပြုချက်မယူဘဲ ကျင်းပသော ကြောင့်ဟု မာမာတင်းတင်းပြန် ပြောခဲ့ပါသည်။

ထိုအခါ ဆုံးဖြတ်ချက်မြန် သော၊ အကြောက်အလန့်အနည်း ငယ်ကင်းသော ကျွန်တော်က ထို ဘောပင်သုံးချောင်းကို ကိုတင်ဝင်း ရှေ့တွင်ပင် လွှင့်ပစ်လိုက်ပြီး နောက်နောင် လွတ်လပ်ရေးနေ့ ပွဲ တိုင်းတွင် ဘယ်တော့မှ ကျွန် တော်မပါတော့ဟု ပြောဆိုကာ နေရာမှ လှည့်ထွက်လာခဲ့ပါ သည်။ ကျွန်တော့်နည်းတူ သူငယ် ချင်းတွေကလည်း လှည့်ပြန်သွား ခဲ့ကြပါသည်။

သို့သော် ကျွန်တော့်ရင်ထဲ တွင်တော့ ထိုနေ့ကတည်းက စွဲ ဝင်နေခဲ့သော ဆူးတစ်ချောင်းကို ဒီနေ့အထိ မနုတ်နိုင်သေးခဲ့။ နောက်ပိုင်းတွင် အိမ်ထောင်ကျ ကာ ဇနီးသည်၏အိမ်သို့ လိုက်နေ၊ သားတစ်ယောက် ရသည်အထိ လွတ်လပ်ရေးနေ့ ပွဲတိုင်းကို ကြည့်ပင်မကြည့်ဖြစ်တော့။

အခု သားက ဝင်ရောက် ကစားမည်ဆိုတော့ ကျွန်တော် စိတ်မပါနိုင်အောင် ဖြစ်နေခဲ့ရ ခြင်း ဖြစ်ပါသည်။ သို့သော် သား ငယ်က မျှော်လင့်ချက်ကြီးစွာ ပူ ဆာလွန်းသောကြောင့် ကျွန်တော် လည်း စိတ်မသက်မသာနှင့်ပဲ ခေါင်းညိတ်ပြခဲ့ရသည်။ သားငယ် ကတော့ အပျော်ကြီးပျော်ကာ ခုန် ပေါက်နေတော့သည်။

* * *

လွတ်လပ်ရေးနေ့သို့ ရောက်သောအခါ ကျွန်တော့် သားလေးသည် မနက်အစောကြီး ကတည်းက အိပ်ရာမှထကာ လမ်းထဲတွင် ခေါက်တုံ့ခေါက်ပြန် လျှောက်ရင်း ဟိုကြည့်ဒီမျှော် ဖြစ် နေပြီ။ လမ်းထဲရှိ လူကြီးအတော် များများကလည်း ကစားနည်းများ ကို သတ်မှတ်ပြီး အစီအစဉ်တွေ ဆွဲနေကြသည်။ အချို့ လုပ်အား ပေး လူငယ်တွေကလည်း မြေဖြူ မှုန့်တွေနှင့် စည်းတွေ ဆွဲနေကြ သည်။

သူတို့ သတ်မှတ်ထားသော ကစားနည်းများထဲတွင် ကျားကြီး၊ ကျားလတ် ဘောလုံးပြိုင်ပွဲ၊ အပြေးပြိုင်ပွဲ၊ အာလူးကောက်၊ ထုပ်ဆီးတိုး၊ ချောတိုင်တက်၊ ခေါင်းအုံးရိုက်...အစရှိသဖြင့် စုံစုံ လင်လင် ရှိလှသည်။ သို့သော် ကျွန်တော့်သားအရွယ်အတွက် သင့်တော်သော ပြိုင်ပွဲက တစ်ခု သာပါသည်။ ထိုပြိုင်ပွဲက ‘ကျား လေး အပြေးပြိုင်ပွဲ’ပဲဖြစ်ပါသည်။

သေချာသည်က ကျွန်တော့် သားအရွယ်သည် ဘောလုံးကန် တတ်သည့်အရွယ်လည်းမဟုတ်၊ ဖြစ်နိုင်လျှင် မုန့်စားပြိုင်ပွဲနှင့် အပြေးပြိုင်လောက်သာ ရှိလိမ့် မည်။ ဘာပဲဖြစ်ဖြစ် ကျွန်တော့် သားကတော့ အားကြိုးမာန်တက် ယှဉ်ပြိုင်မည့်သူ ဖြစ်သည်မှာ သံ သယရှိနေစရာမလိုပါ။

အမှန်တကယ်လည်း ပြိုင်ပွဲ တွင် ကျွန်တော့်သားက ပထမ ရခဲ့သည်။ ထို့ကြောင့် ဝမ်းသာ အားရ အာပေါင်အာရင်းသန်သန် နှင့် သူ့အမေကို ပြောပြနေတော့ မအေဖြစ်သူကလည်း တပြုံးပြုံး ဖြစ်နေသည်။ ထိုအချိန်တွင် အသက် (၆၀)ကျော်ခန့်ရှိသော အမယ်ကြီးတစ်ဦးက သူ့မြေးလေး မှာ အပြေးပြိုင်နေစဉ် ခြေထောက် နာနေသဖြင့် မပြေးနိုင်သော ကြောင့် ဒုတိယသာရကြောင်း၊ ခြေထောက်သာ မနာလျှင် ပထမ ဆုကို အသေအချာရမှာဖြစ် ကြောင်း ကျွန်တော့်ဇနီးကို ကြိတ် မနိုင်ခဲမရဖြင့် လာရောက်ပြောပြ နေသည်။ ကျွန်တော်ကတော့ အိမ်ပေါ်မှနေ၍ ထိုအမယ်ကြီးကို ကြည့်ရင်း မသိမသာ ပြုံးနေလိုက် မိသည်။ သားငယ်ကတော့ ပြေးခဲ့ တာရော ကြွားရတာပါပေါင်းပြီး သိသိသာသာ မောနေရှာသည်။

တစ်လမ်းလုံးတွင်လည်း တအုန်းအုန်း တရုန်းရုန်းနှင့် ဆူညံ မစဲ တသဲသဲဖြစ်နေတော့သည်။ စပီကာမှ ပြိုင်ပွဲတာဝန်ခံ၏ အော် ဟစ်သံတွေကို တစ်ရံမလပ်ကြား နေရသည်။ တစ်ခါတစ်ရံတွင် အော်သံဟစ်သံများကြားမှ ... ‘‘ ×××ချစ်တဲ့သူ ×××ကိုဆံရှည် ×××သျှောင်ကြီးဗွေ ×××ရွာ တောင်ပြင် ညောင်ပင်မလေ××× အရိပ်ဖြာဝေ ×××လူပျိုတွေ မိတ်သဟာဆွေ×××’’အစရှိ သော သီချင်းသံကိုလည်း ကြား နေရသေးသည်။ ထိုသီချင်းသံနှင့် အတူ ရောထွေးထွက်ပေါ်နေ သော ဘောလုံးပွဲကြေညာသံ၊ ထုပ်ဆီးတိုးပွဲ၊ ခေါင်းအုံးရိုက်ပွဲ၊ ချောတိုင်တက်ပွဲတို့အား အစီရင် ခံနေသည်မှာလည်း စက္ကန့်မလပ်။ ထို့အပြင် ပွဲကြည့်ပရိသတ်ဆီမှ တအုန်းအုန်း အသံတွေကလည်း နားနှင့်ပင် မဆံ့ချင်တော့။ ကြာ လာတော့ နားတွေအူကာ ခေါင်း တွေမူးလာသည်။

ညနေစောင်းတော့ ကျွန် တော့သားငယ်သည် ၆နာရီမထိုး ခင်ကတည်းက ရေမိုးချိုး အဝတ် အစားလဲ၊ သနပ်ခါးအဖွေးသား နှင့်ဖြစ်နေပြီ။ ထိုနေ့ညတွင်ပေး မည့် ဆုပေးပွဲတွင် သူကိုယ်တိုင် အားသွန်ခွန်စိုက် ပြေးလွှားခဲ့၍ရ သော ပထမဆုကြီးကို လက်ခံရ ယူရန် ပြင်ဆင်နေပြီ။ တွေ့သမျှ လူတိုင်းကိုလည်း သူမည်ကဲ့သို့ ပြိုင်ပွဲဝင်ခဲ့ကြောင်း ကြွား၍မဆုံး တော့။

ထို့ကြောင့် မိုးလည်းချုပ်လု ပြီဖြစ်သဖြင့် ဆုပေးပွဲဆီသို့ သူ့ အမေကို လိုက်ပို့စေခဲ့သည်။ ဆု ပေးပွဲမဏ္ဍပ်ကလည်း ကျွန်တော့် အိမ်နှင့် ဓားလွယ်ခုတ်လောက် တွင်ရှိသောကြောင့် သားကို သူ့ အပေါင်းအသင်းတွေနှင့် ထားခဲ့ ကာ ဇနီးသည်က ပြန်လာခဲ့သည်။

ကျွန်တော်ကလည်း သား၏ ဆုပေးပွဲကို မသိမသာနားစွင့်ရင်း အိမ်မှာသာ စာဖတ်နေခဲ့သည်။ သို့သော် ကျွန်တော့်သားက ၇ နာရီလည်းပြန်မလာ၊ ၈နာရီလည်း ပြန်မရောက် ဖြစ်နေသောကြောင့် ကျွန်တော်က ဇနီးသည်ကိုလိုက် သွားရန် သတိပေးရသည်။

ထိုအချိန်တွင်ပင် ကျွန်တော့် သားက ငိုကြီးချက်မဖြင့် ပြန် ရောက်လာခဲ့သည်။ ဆုပေးပွဲကြီး ကလည်း ပြီးသွားခဲ့ပြီ။ ကျွန်တော် က ကလေးကို အကျိုးအကြောင်း မေးတော့ ကလေးက သူ့ကိုဆု မပေးကြောင်း ဝမ်းပန်းတနည်း ပြောသည်။ တစ်ချိန်တည်းမှာပင် မသိစိတ်က ကျွန်တော်ကိုယ်တိုင် ၏ ငယ်ဘဝဆီသို့ လှစ်ခနဲရောက် ရှိသွားသည်။ ဒေါသကြောင့် အသားတွေ တဆတ်ဆတ် တုန် ယင်လာခဲ့သည်။ တစ်နေရာရာ တွင် တစ်စုံတစ်ခု မှားယွင်းနေပြီ ဆိုသည်ကတော့ အသေအချာပင် ဖြစ်သည်ကို ကျွန်တော်သိနေပြီ။

ဘာပဲဖြစ်ဖြစ် ဒီအခြေအနေ တွင် ကျွန်တော် သွေးမပူသင့်။ စိတ်လိုက်မာန်ပါ ဖြေရှင်းလိုက် လျှင် ပြဿနာတွေက မီးခိုးကြွက် လျှောက် ဖြစ်သွားလိမ့်မည်။ အထူးသဖြင့် ကျွန်တော့်သားလေး ပတ်ဝန်းကျင်ပေါ် ယုံကြည်မှု လျော့နည်းသွားလိမ့်မည်။ မိမိ၏ ကြိုးစားအားထုတ်မှုအတွက် ရရှိ လာသော အောင်မြင်မှုကို ပတ် ဝန်းကျင်တစ်ခွင်လုံး၊ တစ်လော ကလုံး သိထားပါသော်လည်း အသိအမှတ်ပြု မခံရခြင်းသည် မည်မျှ ရင်နာစရာကောင်းကြောင်း ကို ကျွန်တော်ကိုယ်တိုင်လည်း ရင်ဆိုင်ခဲ့ဖူးသောကြောင့် သား ငယ်အတွက် ကိုယ်ချင်းစာပေးနိုင် ပါ၏။ သို့သော် သားငယ်ကိုတော့ ကျွန်တော့်လို စိတ်ဒဏ်ရာမရစေ ချင်။ ထို့ကြောင့် ဒီကိစ္စကို စိတ် အေးလက်အေး ဖြေရှင်းမှဖြစ်လိမ့် မည်ဟု ကိုယ့်ကိုယ်ကိုယ် သတိ ပေးရင်း မာတင်းနေသော ကျွန် တော့်မျက်နှာကို ဦးစွာပြင်ယူရ သည်။

ပြီးနောက် အာရုံကို အသေ အချာစုစည်းကာ ကလေးကို အကဲခတ်နေရသည်။ ထို့နောက် ကလေးကို မငိုရန် အားပေးပြီး မေးခွန်းတစ်ခုကို အမှတ်တမဲ့ မေး လိုက်ရသည်။

‘‘သားနဲ့အတူ အပြေးပြိုင်ပွဲ မှာ ဒုတိယက ဘယ်သူရတာတုံး ...သားရဲ့’’

ကျွန်တော့်မေးခွန်းကြောင့် သားက အနည်းငယ် အူကြောင် ကြောင်ဖြစ်သွားပြီး ...

‘‘ပထမက သားရတာလေ ...’’

‘‘မဟုတ်သေးဘူးလေ... သားရဲ့။ ဒုတိယ ဘယ်သူရသလဲ သာ ပြောကွာ...’’

ဆိုပြီး ကျွန်တော် အတင်း အကျပ်မေးတော့မှ သားကဘယ် သူဘယ်ဝါရကြောင်း သူ့သူငယ် ချင်း၏အမည်ကို ရွတ်ပြသည်။ သားငယ်၏ စကားသံအဆုံးတွင် ကျွန်တော့်ဇနီးကို သူ့မြေးလေး ခြေထောက်နာနေ၍ ဒုတိယသာ ရကြောင်း ပြောခဲ့သော အမယ် ကြီးကို ရုတ်တရက်ပြန်မြင်သည်။ ကျွန်တော်က ဆက်၍ ထိုကလေး ကိုကော ဒုတိယဆုပေးသလားဟု ဆက်မေးတော့ သားက ခေါင်း ညိတ်ပြပြန်သည်။ ကျွန်တော်က သိပ်မသေချာသဖြင့် ...

‘‘သူက ဒုတိယဆိုတော့ ဘာ ရတာလဲ’’

ထပ်မေးတော့ သားငယ်က ရှိုက်သံတစ်ဝက် စွက်နေရာမှ ...

‘‘နှစ်ရာ’’ဟု ပြန်ပြောသည်။

ကျွန်တော့်အာရုံထဲတွင် ကျွန်တော်ကိုယ်တိုင်၏ ငယ်ဘဝ ပုံရိပ်များထဲမှ အုန်းသီးလုပွဲ၊ ဘောပင်သုံးချောင်းနှင့် ဆုပေးပွဲ မဏ္ဍပ်ကို ပြန်လည်မြင်ယောင်နေ မိသည်။ ထို့ကြောင့် ခေါင်းကို ခပ် ပြင်းပြင်း ခါထုတ်လိုက်ပြီး ရုတ် တရက်ပြုံးလိုက်ကာ

‘‘ဒါများသားရယ်...’’

‘‘သူတို့က ဆုမပေးရင် ဖေဖေက သားလေးကို ဆုပေးမှာ ပေါ့။ ဘာလိုချင်လဲပြော...။ ဖေဖေ့ သားက ပထမဆုတောင်ရတာဆို တော့ တကယ်တော်လို့ရတာပေါ့။ သားလိုချင်တာသာပြော။ ဖေဖေ ဝယ်ပေးမယ်...’’

ကျွန်တော့်စကားကြောင့် သားငယ်က မျက်ရည်ကိုသုတ် ရင်း ကျွန်တော့်ကို အကဲခတ်နေ သည်။

‘‘ပြောလေ ...သား။ ဘာလို ချင်လဲ...’’

ဆိုတော့မှ ကျွန်တော့်သား က တစ်ခွန်းတည်းသောစကားကို ဆိုသည်။

‘‘နာရီ...’’တဲ့

ကျွန်တော်က သူ့အမေကို မျက်ရိပ်ပြကာ လမ်းထိပ်ရှိစတိုး ဆိုင်တွင် သားကြိုက်သောနာရီ တစ်လုံးကို ချက်ချင်းဝယ်ပေးစေ ရန် မှာကြားပြီး ခပ်မြန်မြန်လွှတ် လိုက်ရသည်။ အတန်ငယ်ကြာ တော့ ကျွန်တော့်သားက ဘယ် ဘက်လက်ကို မြှောက်ကာ မြှောက်ကာ မြောက်ကြွမြောက် ကြွဖြင့် ပြန်လာသည်။ မျက်နှာက လည်း ပြုံးလျက်ရွှင်လျက်။ သူ ပတ်လာသော လက်ပတ်နာရီကို လည်း ကျွန်တော့်အားပြကာ သဘောအကျကြီးကျနေတော့ သည်။

ဒီတော့မှ ကျွန်တော်က ရုတ် တရက် သတိရပုံဖြင့်...

‘‘သားရေ ...ဆုပေးပွဲမှာ သားရဲ့နာမည်ကို ခေါ်သံမကြား လိုက်ဘူးလား။ ဟိုကလူကြီးတွေ က သားကို ဆုလာမယူဘူးထင်လို့ တဲ့။ မင်းအတွက် ပထမဆု အိမ် ကို လာပေးသွားတယ်’’

ဆိုတော့ သားငယ်က

‘‘ဟုတ်လား...’’ဟုဆိုကာ ကျွန်တော်မေးဆတ်ပြသော စာ ရေးစားပွဲပေါ်ရှိ စာအိတ်တစ် အိတ်ကို ပြေးယူသည်။ ပြီးနောက် စာအိတ်ပေါ်တွင် ရေးထားသော စာတန်းကို စာလုံးပေါင်း၍ဖတ် နေသည်။

‘‘သားလေး...မောင်သူထူး ဇော်။ (ကျားလေး)အပြေးပြိုင်ပွဲ၊ ပထမဆု’’

စာကိုဖတ်ရင်း ဝမ်းသာအား ရနှင့် စာအိတ်ကို ဖွင့်နေသည်ကို ကျွန်တော် ကြည့်နေမိသည်။ သူ့ အမေကတော့ ကျွန်တော့်ကို ကြည့်လိုက်၊ သူ့သားငယ်ကိုကြည့် လိုက်နှင့် မျက်နှာသိပ်မကောင်း။ သားကတော့ ပျော်ရွှင်ကျေနပ်စွာ ထအော်သည်။

‘‘ဟာ... ငါးရာတောင်... ထောပြီ ...ထောပြီ’’ဆိုကာ ခုန် ပေါက်နေသည်။

ကျွန်တော်ကတော့ သက် ပြင်းကို ခပ်လေးလေးချရင်း အကြည့်ကို လမ်းမသို့ ပို့လွှတ် လိုက်ရသည်။ စိတ်ထဲတွင်တော့ နောက်ထပ် လွတ်လပ်ရေးပြိုင်ပွဲ ကျင်းပရန် ရက်ပေါင်း ၃၆၄ ရက် လိုပါသေးသည်။ သို့သော် ထိုနေ့ တွင်လည်း ကျွန်တော့်သားငယ် သည် သူ၏ကြိုးစားအားထုတ်မှု အတွက် အသိအမှတ်ပြုမှ ခံရပါ့ မလားမသိ။

သေချာသည်က တဖြည်း ဖြည်း အသိတရားရင့်ကျက်လာ သော ကျွန်တော့်သားကို နောက် တစ်ခါလှည့်စား၍ ရပါတော့ မလားဟူသော သံသယ ကျွန် တော့်ရင်ကို ခပ်ပြင်းပြင်း လှုပ်ခါ နေစေသည်။

(ကလျာမဂ္ဂဇင်း ဇွန်လ၊ ၂၀၁၃)