ဒီတစ်ခါမလွဲတော့ဘူး

ဒီတစ်ခါမလွဲတော့ဘူး
~~~~~~~~~~~~~~

"ဘဦးရေ----မင်းမှာဖုန်းကဒ်ပေါက်တယ်တဲ့ဟ"
ကြားရတဲ့စကားက နားကိုခလုတ်တိုက်
ဖိနပ်ဘယ်ညာ မတိုက်နိုင်ဘဲ
လှေကားထစ်ပေါ်က ကျော်ခွလို့ဆင်း
မြေကြီးနဲ့ခြေထောက်မိတ်ဆက်နင်းမိတော့
ခုနကသကောင့်သား အပြေးပြန်လာပြီးသတင်းပါးတယ်
"နာမည်မှားတာတဲ့ကွာ။တကယ်ပေါက်တာက ဟိုဘက်ရပ်ကွက်ကဘဦးပါ" တဲ့။
တောက်တစ်ချက်ကိုခပ်တိုးတိုးခေါက်
လောဘတွေကိုဟန်ဆောင်ခြင်းတွေနဲ့ဇောက်နက်တဲ့ခွက်ထဲ
ခပ်တည်တည်ပြန်ထိုးသိပ်ရင်း
ငါဆိုတာ အမြဲလွဲနေတဲ့ကောင်ပါလားလို့
ယောင်တောင်တောင်ရေရွတ်မိ။

"ဘဦးရေ----မင်းမှာထီငါးသောင်းဆုပေါက်တယ်တဲ့ဟ"
ကြားရတဲ့ စကားကနားထဲမှာအလုံးအရင်း
ဖျာပေါ်မှာကျောခင်းလို့
ဝေဒနာတွေနဲ့ စစ်ခင်းနေရတဲ့ဇနီးသည်အတွက်
မျှော်လင့်ချက်တွေ တစ်ပွေ့ကြီးသင်းလို့
အဝတ်သေတ္တာကိုကပျာကယာထုတ်
အဝတ်အစားစုတ်တွေဖယ်ထုတ်ရင်း
အောက်ခြေမှာ အသေအချာသွင်းထားတဲ့ထီလက်မှတ်ကို
အသာအယာနမ်းရှုံ့မိတော့
သတင်းပါးတဲ့ သကောင့်သားက
အခုချက်ချင်းဖောက်ပြားလေတဲ့မျက်နှာထားနဲ့
"စိတ်မကောင်းပါဘူးဘဦးရယ်----ထီတကယ်ပေါက်တာကမင်းမဟုတ်ဘူး"တဲ့။
တောက်တစ်ချက်ကိုမရေမရာခေါက်
ဒေါသတွေကို နာကျင်ခြင်းတွေထဲသေသေသပ်သပ်ခေါက်ထည့်ရင်း
လွဲလည်းလွဲတဲ့ငါပါလားလို့
လေးတွဲ့တွဲ့မြည်တမ်းမိ။

"ဘဦးရေ----ဟိုဘက်ရွာကမင်းယောက္ခကြီးကမင်းတို့ကိုအမွေပေးမလို့တဲ့ဟ"
ကြားလိုက်ရတဲ့စကားကနားထဲမှာအဝင်ချို
အဝီစိကိုမျိုနေတဲ့စိတ်က တထိတ်ထိတ်နဲ့ခေါင်းထထောင်
ထိုက်သူသာစံစတမ်းဆိုပေမယ့်
အလိုက်အကူလိုနေတဲ့သူအဖို့
မိုက်မိုက်မဲမဲ မျှော်နေမိတာ
တရားပါတယ်ဖြေတွေး
ဇနီးကိုပါသတင်းပေးမယ်အတွေးနဲ့
အိမ်နောက်ဖေးကိုပြေးဝင်မိတော့
သတင်းပေးတဲ့ ရွာဆော်က လက်ကိုခပ်မျော့မျော့ပြန်ဆွဲရင်း
"နေပါဦး ဘဦးရာ---မင်းယောက္ခမမှာပေးစရာအမွေဆိုလို့ ပေါင်ထားတဲ့အိမ်ခြံဝိုင်းနဲ့၊ အပေါင်
ဆုံးနေတဲ့လယ်တစ်ကွက်ပဲရှိတာလေ။အဲဒါတွေကို မင်းမက်နေရင်တော့ မင်းပိုနစ်လိမ့်မပေါ့"တဲ့။
တောက်တစ်ချက်ကိုမပီမပြင်ခေါက်
မောဟတွေကို မောလျလျ လျောချလိုက်ရင်း
ထိုက်တဲ့သူသာယူကြပါစေလို့
ရသေ့စိတ်ဖြေ တွေးမိ။

ဒီလိုနဲ့ အလွဲတွေများလွန်းလို့၊ မလွဲရရင်ကိုစားမဝင်အိပ်မပျော်တော့တဲ့ဘဦးခမျာ----

"ဟာ---ဘဦး---မင်းသေရတော့မယ်တဲ့"
ကြားလိုက်ရတဲ့စကားက နားထဲကိုဗုံးလိုဖောက်ထွင်း
ရှိသမျှအာရုံကြောတွေတင်းရင်းကုန်လို့
အကြောက်အကန်ရုန်းကန်မိရင်း
ကူညီမယ့်သူများရှိမလား
ဘေးနားကိုအပျာအယာရှာဖွေမိတော့
သူ့ကိုသတင်းပါးတဲ့ မျက်နှာထားတင်းတင်းသူကို
အလန့်တကြားနဲ့ဖက်တွယ်
ကူပါကယ်ပါ အသနားခံပေမယ့်
ဒီလူပါးစပ်ကစကားတစ်ခွန်းပဲ
တိုးတိုးလေးရေရွတ်သွားတယ်
"မင်းသေနေ့စေ့ပါပြီကွယ်"တဲ့။
ဟုတ်ပါတယ်---
ဘဦးသေသွားခဲ့ပါပြီ
အမြဲလွဲနေတဲ့ ဘဦး
ဒီတစ်ခါတော့ ထူးထူးခြားခြားအပေါက်အလမ်းတည့်လို့
ဘယ်သူနဲ့မှမလွဲတော့ဘဲ
တောက်တစ်ချက်တောင်ခေါက်မသွားနိုင်တော့တဲ့ဘဝနဲ့
လောဘ၊ဒေါသ၊ မောဟတွေကိုတစ်ပါတည်းသယ်ဆောင်သွားရင်း
ဘဦးတကယ်သေသွားခဲ့ပါပြီ။

        
#မိုးညမြူ