ပြန်လည်တောက်ပလာသောလိမ္မော်ရောင်နေ့စွဲများ

ဓာတ်ပုံ−နစ်ကီ

‘‘ရွှေအိုရောင်နေ့ရက်ရှည် လိမ္မော် ရောင်ကျောင်းကြီးတွင် ဘယ်အ ချိန်ပြန်တွေး..တွေး လွမ်းစရာ လေး...အတိတ်ဆီကို ဝေဝေဝါး ဝါးဝေ ရေးရေးကြည့်ရင်းလေ... ပျော်စရာ ကြည်နူးစရာရင်နင့်စရာ အဖြစ်များနဲ့ဘဝကို...ရွှေရောင်စို စေမြေ...လိမ္မော်ရောင်ကောလိပ် (သို့မဟုတ်)လိမ္မော်ရောင်အလွမ်း ကျောင်းတက္ကသိုလ်မြေ’’

နိုင်ငံကျော်တေးသံရှင် ကိုင် ဇာ၏တေးသီချင်းသံငြိမ့်ငြိမ့်က ကားကက်ဆက်စပီကာအတွင်းမှ လွင့်ပျံလာသည်။ တေးသွားကို သီချင်းတိုးတိုးလိုက်ညည်းရင်း ဒေါ်စန္ဒာငြိမ်းတစ်ယောက်   သူ မောင်းနှင်လာသော ကားလေးကို လမ်းချိုးတစ်ခုသို့ ကွေ့ဝင်လိုက် သည်။

တက္ကသိုလ်များ(လှိုင်နယ် မြေ)ဟူသည့် စာတန်းပါ အဝင်မုခ် ဦးအောက်အရောက်တွင်တော့ နှစ် ၂၀ ကျော်ကြာ ဝေးကွာခဲ့ရ သော ကုက္ကိုပင်များ ခပ်စိပ်စိပ် ခြံရံထားသည့် လမ်းကလေးကို တွေ့လိုက်ရသည်။ အသက်(၁၆)၊ (၁၇)နှစ်အရွယ် ၁၉၇၉၊ ၈၀ နှစ်များဆီက ဒီလမ်းလေးကို နေ့စဉ် တစ်နေ့ နှစ်ကြိမ်ဖြတ်လျှောက်ခဲ့ဖူး သည်။ သူမတို့ငယ်စဉ်က နာမည်ကြီးခဲ့သော လှိုင်နယ်မြေကုက္ကို တန်း၊ လိမ္မော်ရောင်အုတ်ချပ်များ ဖြင့် ဆောက်ထားသည့် လိမ္မော်ရောင် ကောလိပ်ခေါ် ဒေသကော လိပ်(၂)ကျောင်းတော်ဆီသို့ သွား ရာလမ်းကလေးပင်ဖြစ်သည်။

ရန်ကုန်တက္ကသိုလ်၏ ပထမနှစ်ကျောင်းသူအဖြစ်    ယနေ့ကျောင်းစတင်တက်ရောက်မည့် သမီးဖြစ်သူအား သူမ ငယ်ဘဝရှင် သန်ခဲ့ရာ လှိုင်နယ်မြေသို့ လိုက်ပို့ ရသည့် ရင်ခုန်မှုကို သမီးဖြစ်သူ ကလည်း ခံစားမိပါလိမ့်မည်။

ကျောင်းထဲသို့ ခြေချမိသည် နှင့် မြင်လိုက်ရသည့် ‘ပထမနှစ်  မောင်မယ်သစ်လွင်များကို ကြို ဆိုပါ၏’ ဟူသည့်ဗီနိုင်းများချိတ် ဆွဲထားသည့် လိမ္မော်ရောင်အုတ် ချပ်များကာရံထားသော   အ ဆောက်အအုံများက နှစ် ၂၀ ကျော်ကြာသည်အထိ ပိတ်သိမ်းခံထား ရသော်လည်း ယခင်ကလိုပင် မောင်မယ်သစ်လွင် မျိုးဆက်သစ် လေးများကို မွေးထုတ်ပေးရန် အ သင့်ဖြစ်နေပါပြီ။

ရန်ကုန်တက္ကသိုလ် (လှိုင် နယ်မြေ) ပြန်လည်ဖွင့်လှစ်သည့် ဒီဇင်ဘာ ၄ ရက်တွင် မျိုးဆက်သစ်များနှင့်အတူ ဒေါ်စန္ဒာငြိမ်းကဲ့သို့ မျိုး ဆက်သစ်များ၏ မိဘကျောင်း သားဟောင်းများလည်း ကျောင်း ကြီးသို့ အလွမ်းပြေလာရောက်ခဲ့ ကြသည်။

နှစ်ပေါင်း ၂၀ ကျော် တက္ကသိုလ် ကျောင်းသား၊ ကျောင်းသူ များတက်ရောက်ခွင့်မရှိဘဲ ပိတ်သိမ်းခံထားခဲ့ရသည့် လိမ္မော် ရောင်ကောလိပ်သည် ၂၀၁၇ ဒီဇင်ဘာ ၄ ရက်တွင်တော့ မျိုးဆက်သစ်လိမ္မော်သီးလေးများ၏ပုံရိပ် များဖြင့် လှုပ်လှုပ်ရှားရှား အသက် ဝင်စပြုလာပြီဖြစ်သည်။

လိမ္မော်ရောင်ကောလိပ် (သို့မဟုတ်) ရန်ကုန်တက္ကသိုလ်(လှိုင် နယ်မြေ)တွင် တက်ရောက်ခွင့်ရ သည့်မောင်ရဲဝင့်က ‘‘ဒီကျောင်း နေရာက အရင်က နှစ်တွေအကြာ ကြီးပိတ်ထားတာတော့ စာတွေထဲ မှာ ဖတ်ဖူးတယ်။ အခုနှစ် ပြန်ဖွင့် တဲ့အချိန် ပထမဆုံးတက်ခွင့်ရ မယ်ဆိုတော့ ဘယ်လိုကျောင်းမျိုး ဖြစ်နေမလဲဆိုတာ ကျောင်းမလာ ခင်ကတည်းက စိတ်လှုပ်ရှားမိ တယ်’’ဟု ပြောပြသည်။

ဦးသန့်အရေးအခင်းဖြစ်ပြီး နောက် ၁၉၇၆ တွင် ဒေသကော လိပ်များ  ဖွင့်လှစ်ခဲ့ရာ လှိုင်မြို့ နယ်ရှိ လိမ္မော်ရောင်အဆောက် အအုံများသည် ဒေသကောလိပ် (၂) ဖြစ်တည်လာခဲ့ရသည်။

၁၉၈၁ တွင် ဒေသကောလိပ် ပညာရေးစနစ်ကို ဖျက်သိမ်းခဲ့ရာ ရန်ကုန်ရှိ ဒေသကောလိပ်(၁) ဗိုလ်တထောင်မြို့နယ်၊ ဒေသ ကောလိပ်(၂) လှိုင်မြို့နယ်နှင့် ဒေ သကောလိပ်(၃) ကြည့်မြင်တိုင် မြို့နယ်ဟူသည့် ဒေသကောလိပ် သုံးခုကို RASU (ရာဇူး)ဟုခေါ် သည့် ပင်မရန်ကုန်ဝိဇ္ဇာသိပ္ပံတက္က သိုလ်၏တက္ကသိုလ်ခွဲများအဖြစ် ဆက်ဆက်အသုံးပြုခဲ့သည်။

၁၉၈၄ တွင်တော့ အခြားမြို့ နယ်များမှ ရန်ကုန်တက္ကသိုလ်ခွဲ မျာကို ပိတ်သိမ်းလိုက်ပြီး လှိုင်နယ်မြေရှိ လိမ္မော်ရောင်အဆောက်အ အုံကိုသာ ရန်ကုန်တက္ကသိုလ် (လှိုင်နယ်မြေ)ဟူ၍ ၁၉၉၆ အထိ ဆက်လက်အသုံးပြုခဲ့သည်။

ထို့နောက် ကျောင်းသားများ ဆန္ဒပြမှု တစ်ကျော့ပြန်ဖြစ်ပွားခဲ့ သည့် ၁၉၉၆ ကျောင်းသားလှုပ် ရှားမှုနောက်ပိုင်းမှစကာ ရန်ကုန် တက္ကသိုလ်အပါအဝင် မြို့တွင်းရှိ တက္ကသိုလ်နှင့်ကောလိပ်ကျောင်း အများစုကို ပိတ်သိမ်းခဲ့ပြီး တက္က သိုလ်၊ ကောလိပ်ကျောင်းသား၊ ကျောင်းသူများကို မြို့စွန်၌ ကျောင်းများဆောက်လုပ်၍ ရွှေ့ ပြောင်းတက်ရောက်စေခဲ့သည်။ လိမ္မော်ရောင်ကောလိပ်ကိုလည်း လုံးဝအသုံးမပြုဘဲ  ပိတ်သိမ်းခဲ့ သည်။

၂၀၀၀ ပြည့်နှစ်တွင် လိမ္မော် ရောင်ကောလိပ်အဆောက်အအုံ များကို ပြန်လည်ဖွင့်လှစ်ခဲ့သော် လည်း တက္ကသိုလ်ကျောင်းသား၊ ကျောင်းသူများအတွက် မဟုတ်ခဲ့ ဘဲ ရန်ကုန်ပညာရေးတက္ကသိုလ် လေ့ကျင့်ရေးအထက်တန်း ကျောင်း၏မူလတန်းကျောင်း သားလေးများတက်ရောက်ရာ ကျောင်းခွဲလေးအဖြစ်  အသုံး ပြုခဲ့သည်။

ယင်းသို့ဖြင့် နှစ် ၂၀ ကျော် အကြာ ၂၀၁၇ ဇွန်လခန့်တွင်တော့တက္ကသိုလ်ကျောင်းသား၊ ကျောင်းသူများနှင့် ဝေးကွာခဲ့ရ သော လိမ္မော်ရောင်အဆောက် အအုံများကို တက္ကသိုလ်ကျောင်း သား၊ ကျောင်းသူများ ပြန်လည်အ သုံးပြုနိုင်ရန် ပြင်ဆင်မွမ်းမံမှုများ ပြုလုပ်လာခဲ့သည်။

‘‘ပြန်ဖွင့်မယ် စကြားက တည်းက ပျော်ခဲ့ရတာ။ ဘယ်အ တန်းတွေ ထားမယ်တော့ ကိုယ် မသိဘူးပေါ့နော်။ သမီးက ရန်ကုန် တက္ကသိုလ်လျှောက်ထားပေမယ့် ဒီမှာတက်ရလိမ့်မယ်မထင်ဘူး။ ကျောင်းအပ်မှ ဒီမှာဆိုတော့ သမီး ထက် ကိုယ်က ပိုပျော်သွားတယ်။ ဒီလိုမြင်ချင်တာ ကြာပြီလေ’’ဟု ဒေသကောလိပ်(၂)ကျောင်းသူ ဟောင်း ဒေါ်စန္ဒာငြိမ်းကဆိုသည်။

မျှော်လင့်ခဲ့သည့်အတိုင်း ၂၀၁၇-၁၈ ပညာသင်နှစ်တွင် ရန်ကုန်တက္ကသိုလ်၏ပထမနှစ် အထူးပြုဘာသာရပ် ၂၅ ခုသို့ တက်ရောက်ခွင့်ရသော ကျောင်း သား၊ ကျောင်းသူများသည် လိမ္မော်ရောင်ကောလိပ် (သို့မ ဟုတ်) ရန်ကုန်တက္ကသိုလ် (လှိုင် နယ်မြေ)တွင် ခြေချခွင့်ရခဲ့ကြပြီ ဖြစ်သည်။ ယခုနှစ်မှစကာ ရန်ကုန် တက္ကသိုလ် ပထမနှစ်၊ ဒုတိယနှစ် အတန်းများကို လှိုင်နယ်မြေတွင် ဖွင့်လှစ်မည်ဖြစ်ပြီး တတိယနှစ်နှင့် နောက်ဆုံးနှစ်ရောက်ချိန်တွင် ရန် ကုန်တက္ကသိုလ်ပင်မတွင် တက် ရောက်ခွင့်ရမည်ဖြစ်သည်။

‘‘ရန်ကုန်တက္ကသိုလ်ပင်မ ဘက်ကလည်း ဘွဲ့ကြိုတန်းတွေ ပြန်ဖွင့်တာ လေးနှစ်ဆိုတော့ စာ သင်ဆောင်တွေ ပြည့်နေပြီ။ လှိုင် နယ်မြေက ဒီနေရာကလည်း အစ ကတည်းက ရန်ကုန်တက္ကသိုလ် အပိုင်ဆိုတော့ ဒါကို ပြန်ပြင်ပြီး ပထမနှစ်တွေ ထားတာပေါ့’’ဟု ရန်ကုန်တက္ကသိုလ်(လှိုင်နယ်မြေ) ပြန်ဖွင့်ရခြင်းအကြောင်းကို အ ဆင့်မြင့်ပညာဦးစီးဌာန ညွှန်ကြား ရေးမှူးချုပ် ဒေါက်တာသိန်းဝင်း က ပြောသည်။

ကျောင်းပရဝဏ်အတွင်းရှိ လိမ္မော်ရောင်အဆောက်အအုံစာ သင်ဆောင် သီရေတာကြီးများက လွန်ခဲ့သော နှစ် နှစ်ဆယ်ခန့်ကကဲ့ သို့ပင် ခံ့ခံ့ညားညားဖြင့် မျိုးဆက် သစ်များကို ကြိုလင့်နေသည်။ သင်တန်းသားအနည်းဆုံး ၃၀၀ ခန့် ဝင်ဆံ့ပြီး မြင့်ရာမှ နိမ့်ရာသို့ လျှောဆင်းသွားသော စာသင်ခုံ တန်းကြီးများနှင့် သစ်လွင်သော သီရေတာကြီးများသည် မျိုးဆက် သစ် ကျောင်းသား၊ ကျောင်းသူ များအထူးစိတ်ဝင်စားသည့် အရာ များဖြစ်သည်။

‘‘တက္ကသိုလ်ဆို State ကျောင်းတုန်းကလို ခုံရှည်လေး တွေနဲ့ပဲမြင်ဖူးတာ။ အခုက စာသင်ခန်းအကျယ်ကြီးနဲ့ ခုံရှည်ကြီးတွေ ပါတဲ့ သီရေတာတွေ၊  အဲဒါ သ ဘောအကျဆုံးပဲ’’ဟု ပထမနှစ် ကျောင်းသူ မအေးသန့်ဇင်က ပြောသည်။

သစ်ပင်ကြီးများ၊ ကုက္ကိုပင် တန်းများ အရိပ်ဖြင့် အေးမြသည့် လိမ္မော်ရောင်ကောလိပ်နယ်မြေ ကျယ်ကျယ်က ကျောင်းသား၊ ကျောင်းသူများ စာသင်ချိန်အပြီး ပျော်ရွှင်ရယ်မောစကားဝိုင်းဖွဲ့နိုင် မည့် နေရာကောင်းများဖြစ်သည်။

လွန်ခဲ့သော နှစ် ၂၀ ကျော် နှင့် ယခုအချိန်ကာလ များစွာခြား နားသော်လည်း ခေတ်အဆက် ဆက်ဖက်ရှင်ရေစီးများကို လေ့ လာနိုင်သည့် တက္ကသိုလ်ကျောင်း သူများ၏ ဝတ်စားဆင်ယင်မှုက သမိုင်းတစ်ပတ်လည်သည်ဟူ သည့်စကားအတွက် သက်သေဟု ဆိုရမလိုဖြစ်သည်။

ဒေါ်စန္ဒာငြိမ်းတို့ခေတ်က ဒေသကောလိပ်ကျောင်းသူများ သည် ချည်လုံချည်၊ အင်္ကျီခါးတို ကို ဝတ်ဆင်လေ့ရှိခဲ့သည်။ ယနေ့ နှစ် ၂၀ ကျော်ကြာချိန်တွင်လည်း ဖက်ရှင်ရေစီးတစ်ပတ်လည်ကာ မျိုးဆက်သစ် ကျောင်းသူလေး များက ယင်းဖက်ရှင်အတိုင်း။ မ ပြောင်းလဲသည့် လိမ္မော်ရောင်အ ဆောက်အအုံများကို ၎င်းတို့ခေတ် က ဖက်ရှင်ဖြင့် ကျောင်းသူလေး များ၏ပုံရိပ်က အားဖြည့်လိုက် သည့်အခါ လိမ္မော်ရောင်ကို လွမ်း သော အလွမ်းများ ပြေသွားစေခဲ့ သည်ဟု ဒေါ်စန္ဒာငြိမ်းကဆိုသည်။

နှစ် ၂၀ ကျော်ကြာ တက္က သိုလ်ကျောင်းသားများအတွက် အသုံးမပြုခဲ့သည့် လိမ္မော်ရောင် ကောလိပ်နယ်မြေသာယာရေးအ တွက် ရန်ကုန်တက္ကသိုလ်မှတာဝန်ရှိသူများကလည်း   ကြိုးစားပြင် ဆင်နေကြဆဲဖြစ်သည်။

‘‘စာသင်ခန်းတွေကတော့ အဆင်သင့်ပါပဲ။ ကျောင်းပရဝဏ် ကတော့ ပြင်ဆင်ရေးတွေ၊ တချို့ အပိုင်းတွေလုပ်တုန်းပေါ့။ အစ ကတော့ ဒီလိုပဲပေါ့။ တစ်ပတ်၊ နှစ်ပတ်လောက်ဆိုရင်တော့ အ ဆင်ပြေသွားမှာပါ။ ပြန်ဖွင့်တာ ကကို ပျော်စရာပဲလေ’’ဟု ရန်ကုန်တက္ကသိုလ်မှ ကထိကဆရာမ တစ်ဦးက ပြောသည်။

လှိုင်နယ်မြေရှိ    စာသင် ဆောင်များအနက် တစ်ထပ်စာ သင်ဆောင်များ၊ သီရေတာများ ပါဝင်သည့် စာသင်ဆောင်ကြီး များ၊ ကျောင်းသား၊ ကျောင်းသူ များအသုံးပြုမည့် ကျောင်းအိမ် သာများကို ပြန်လည်ပြင်ဆင်နေ ပြီး ပြင်ဆင်ရေးလုပ်ငန်းများနှင့် ကျောင်းပရဝဏ်ရှင်းလင်းရေး လုပ်ငန်းများကို ကျောင်းဖွင့်လှစ် သည့်နေ့အထိ ဆောင်ရွက်နေဆဲ ဖြစ်သည်။  

ထို့အပြင်     တက္ကသိုလ် ကျောင်းသားဘဝ၏အမှတ်တရ များရှိနေမည့် တက္ကသိုလ်အ ဆောင်များကိုလည်း နယ်မှ ရန်ကုန်မြို့သို့ လာတက်သည့် ကျောင်းသား၊ ကျောင်းသူများအ တွက် စီစဉ်ပေးထားသည်။ လိမ္မော်ရောင်ကောလိပ်နှင့် မဝေးသည့် လှိုင်နယ်မြေတွင်ပင် ရန်ကုန်တက္ကသိုလ်ခုနစ်ထပ် ကျောင်းသား၊ ကျောင်းသူအဆောင်သစ်ကြီးများ ဆောက်လုပ်ပေးထားသည်။ ကျောင်းသား၊ ကျောင်းသူများအ တွက် နေထိုင်ရန်အသင့်၊ အခန်း တွင်း အသုံးအဆောင်ပစ္စည်းအ ပြည့်အစုံ၊ လုံခြုံရေးဆောင်ရွက် ထားမှုများက ၁၉၉၆ နောက်ပိုင်း မြန်မာတက္ကသိုလ်ကျောင်းသား များအတွက် မရဖူးသော အခွင့် ထူးများဖြစ်သည်။

ကျောင်းပရဝဏ်ကျယ်ဝန်း ခြင်းကြောင့် ပထမဆုံး ကျောင်းစ ဖွင့်လှစ်သည့်နေ့တွင် စာသင်ခန်း ရှာမတွေ့ခြင်းကလည်း ကျောင်း သားသစ်များကို တစ်ဦးနှင့်တစ်ဦး ရင်းနှီးမှုတိုးစေခဲ့သည်။

ဆယ်စုနှစ် နှစ်ခုကျော်တက္က သိုလ်ကျောင်းသား၊ ကျောင်းသူ ဘဝကို မြို့ပြင်တွင် ရှာဖွေနေရ သည့် ကျောင်းသား၊ ကျောင်းသူ များအတွက် သမိုင်းအစဉ်အလာ ကောင်းများရှိခဲ့သည့် ရန်ကုန် တက္ကသိုလ်(လှိုင်နယ်မြေ) ပြန် လည်ဖွင့်လှစ်ခြင်းက စာအုပ်ထဲ တွင်သာ ဖတ်ခွင့်ရခဲ့သော တက္က သိုလ်ဘဝ၊ တက္ကသိုလ်အလှကို ကိုယ်တိုင်ခံစားရတော့မည့်အခွင့် အရေးရရှိလာခြင်းပင်ဖြစ်သည်။

Ref -7Daydaily