မိန်းကလေးတိုင်း ချစ်သူထံမှ မျှော်လင့်တဲ့အရာ (၅) ခု

ထုတ်မပြောပေမဲ့လည်း အကုန်လုံးက မျှော်လင့်နေကြပါတယ်။

မိန်းကလေးတွေဆိုတာ သဘာဝအရ ရှက်ရွံ့တတ်ကြပြီး စိတ်လှုပ်ရှားခံစားလွယ်သူတွေပါ။ ချစ်ရသူ ရှိလာရင်လည်း ချစ်သူကြောင့်ပဲ ပျော်ရ၊ ဝမ်းနည်းရနဲ့ ထုတ်မပြောဖြစ်တဲ့ ခံစားချက်ပေါင်းများစွာလည်း ရှိလေရဲ့။ ကိုယ့်ချစ်သူထံက မျှော်လင့်တောင့်တတဲ့အရာတွေ ရှိနေပါလျက် အချို့မိန်းကလေးတွေကတော့ ပြောမထွက်ကြပါဘူး။ ဒါပေမဲ့ မိန်းကလေးတိုင်းတော့ မျှော်လင့်ကြတာပါပဲ။

၁။ လက်ဆောင်

ဒါကတော့ မိန်းကလေးသဘာဝပါပဲ။ တန်ဖိုးကြီးမှရယ် မဟုတ်ပါဘူး။ ပန်းလေးတစ်ပွင့်ဖြစ်ဖြစ် ကလစ်လေးတစ်ခုခုဖြစ်ဖြစ် ကိုယ်ချစ်တဲ့သူကပေးတဲ့လက်ဆောင်ဆိုတာနဲ့ပဲ ပျော်ရွှင်နေတတ်ကြတာမျိုးလေ။

၂။ အမှတ်တရနေ့စွဲတွေ

သူမရဲ့ မွေးနေ့ အပါအဝင် အမှတ်တရနေ့စွဲတွေကိုလည်း မှတ်မိနေစေချင်ပါတယ်။ ချစ်သူစဖြစ်တဲ့နေ့ကိုတော့ လုံးဝမမေ့ပါနဲ့။

၃။ နှစ်သိမ့်အားပေးမှု

ချစ်သူတွေပါ။ ရန်သူတွေလည်း မဟုတ်သလို သူစိမ်းတွေလည်း မဟုတ်ပါဘူး။ ကြင်နာယုယခံရတဲ့ မိန်းကလေးတွေက ချစ်သူအပေါ် ပိုပြီးချစ်လာတတ်ကြပါတယ်။ သူငယ်ချင်းတွေရှေ့မှာ ချစ်သူကို မိတ်ဆက်ပေးတာမျိုး၊ လူမှုကွန်ရက်အကောင့်တွေမှာ ရေးတာမျိုးလည်း မျှော်လင့်ကြပါတယ်။

၎။ ဂရုစိုက်မှု

လူတိုင်း ဂရုစိုက်ခံလိုကြတာချည်းပါပဲ။ သာမာန်အချိန်တွေမှာ ဂရုမစိုက်လို့တော့ ဘာမှမဖြစ်ပေမဲ့ နေမကောင်းဖြစ်နေချိန်၊ အားငယ်ဝမ်းနည်းနေချိန်တွေမှာတော့ ချစ်သူရဲ့ ဂရုစိုက်ဖေးမမှုဟာ ကြီးမားတဲ့ ခွန်အားတစ်ခု ဖြစ်စေပါတယ်။

၅။ လက်ထပ်ခွင့်

ကိုယ့်ရဲ့ချစ်သူက မြတ်မြတ်နိုးနိုးနဲ့ တောင်းခံလာမယ့် လက်ထပ်ခွင့်ကို မိန်းကလေးတိုင်း မျှော်လင့်ကြပါတယ်။ ချစ်သူတွေရဲ့ ပန်းတိုင်ဆိုတာ သက်ဆုံးတိုင် လက်တွဲခြင်းပဲမဟုတ်ပါလား။ ချစ်ခြင်းတွေ ထုံလွှမ်းထားတဲ့ ပတ်ဝန်းကျင်လေးတစ်ခုမှာ လက်ထပ်လက်စွပ်လေးကို မြင်လိုက်ရလို့ကတော့ ကြည်နူးပျော်ရွှင်သွားမှာ အသေအချာပါပဲ။