၂၁၏ချစ်ပုံပြင်

အခန်း(၁)

တည်နေရာ။ ။ မစ္စတာဂစ်တာကဖီး
(ညိုအောင် နှင့် စိမ်းလဲ့)
ညို။ ။ "လဲ့ တိုက်ရမှာနော် ... ကော်ဖီ"
လဲ့။ ။ "အင်းပါ"
ညို။ ။ "ဟုတ်ပါဘူး။ လမ်းဘေး လက်ဖက်ရည်ဆိုင် ဆိုရင်တော့ ကိုယ်တိုက်နိုင် ပါတယ်။ ဒီလိုဆိုင်မျိုးမှာတော့ ကိုယ်မတတ်နိုင်ဘူး"
လဲ့။ ။ "အဲဒါတွေ မကြိုက်တာပဲ ညို။ ညို စကားပြောရင် အထေ့အငေါ့ မပါလို့ မပြီးဘူးလား"
ညို။ ။ "ကိုယ့်စကားမှာ ဘာအထေ့အငေါ့ ပါလို့လဲ"
လဲ့။ ။ "ဒီလိုဆိုင်မျိုး ဆိုတာလေ"
ညို။ ။ "အင်းလေ၊ ဈေးကြီးလို့ ကိုယ်လက်လှမ်း မမီတာကို ပြောတာပဲ"
လဲ့။ ။ "ခက်ပါလား ညိုရယ်။ လက်ဖက်ရည်ဆိုင်ကို လက်ဖက်ရည်ဆိုင်လို့ ရိုးရိုးမမြင်ဘဲ ဘာကြောင့် အဘောင်အခတ်လေးနဲ့"
ညို။ ။ "ဘောင်မခတ်ရပါဘူးဗျာ၊ ဒီဆိုင်က ဈေးကြီးတယ်လို့ ရိုးရိုးပြောတာပါ"
လဲ့။ ။ "ကောင်းပြီ လဲ့ မေးမယ်။ ဒီလိုဆိုင်မျိုးမှာ ထိုင်ကြတိုင်း ငွေဘယ်သူ ရှင်းသလဲ"
ညို။ ။ "လဲ့ပဲ ရှင်းနေကျလေ။ ဘာလဲ၊ အဲဒီအတွက် ဂုဏ်ယူနေတာလား"
လဲ့။ ။ "အဲဒါကိုက အရင်းခံစိတ်နဲ့ ပြောတာ မဟုတ်ဘူး ဆိုတာ ပေါ်နေတယ်"
ညို။ ။ "ကိုယ်က ဆင်းရဲပါတယ် လဲ့"
လဲ့။ ။ "ဆင်းရဲ ချမ်းသာ ကိစ္စဟာ လက်ဖက်ရည် တစ်ခွက်နဲ့ ဆိုင်လို့လား"
ညို။ ။ "ဒါပေမဲ့ ကိုယ်တို့ မိသားစု အတွက်တော့ တစ်နေ့စာ ဆန်ဖိုး ရပါတယ်"
လဲ့။ ။ "ဒီလိုဆို လမ်းဘေး လက်ဖက်ရည်ဆိုင်မှာ တစ်နေ့ ငါးကြိမ်လောက် ထိုင်မယ့်အစား ဆန်ဝယ် မသွားဘူးလား အိမ်အတွက်"
ညို။ ။ "ဒါတော့ သက်သက် နှိမ်တာပဲ။ ကိုယ်လည်း ရတန်သလောက် ရှာနေတာပဲ။ လက်ဖက်ရည်ဆိုင် ထိုင်တာလည်း အကြောင်းမဲ့ မဟုတ်ပါဘူး"
လဲ့။ ။ "ဟုတ်ပါတယ်လေ။ လုပ်ငန်းကိုင်ငန်းလေးများ အဆင်ပြေမလားလို့ ဆိုပါတော့"
ညို။ ။ "ဟုတ်တယ်။ ဟိုတယ်ကြီးတွေမှာ စီးပွားရေး စကား မပြောနိုင်တော့လည်း"
လဲ့။ ။ "ဒါဆို အခု လဲ့နဲ့ ဒီဆိုင်မှာ ထိုင်တာကတော့ အကျိုးမဲ့တယ်ပေါ့ ဟုတ်လား"
ညို။ ။ "လဲ့လည်း ခနဲ့တတ်သားပဲ"
လဲ့။ ။ "မခနဲ့ပါဘူး။ ကိုယ့်ချစ်သူနဲ့ ချစ်စကားတွေ ပြောနေတာဟာ အကျိုးမရှိလို့လား"
ညို။ ။ "ဒါပေမဲ့ လဲ့ပြောတဲ့ ချစ်စကားတွေမှာ ငွေကြေးကိစ္စ၊ အလုပ်ကိစ္စ မပါရင် ဘယ်တော့မှ မပြီးဘူး"
လဲ့။ ။ "အချစ်ကိစ္စကို ငွေနဲ့ တိုင်းနေတာမဟုတ်ဘူး ညို။ ခု လဲ့တို့ဟာ ချစ်ရုံနဲ့ မပြီးဘူး။ လက်ထပ်ကြမှာ။ ဒီတော့ နှစ်ယောက်သား ရှေ့ဆက်ရမယ့် ခရီးက ငွေကြေး လိုအပ်တာတော့ အမှန်ပဲ"
ညို။ ။ "လဲ့လို လက်ရှိ အရာရှိသမီး အနေအထားမျိုးတော့ မထားနိုင်သေးဘူး ပေါ့လေ။ ဒါပေမဲ့ ကိုယ် ကြိုးစားပါ့မယ်။ ထားနိုင်အောင် ကြိုးစားပါ့မယ်"
လဲ့။ ။ "ကြိုးစားပါ့မယ်အထိ မပြောပါနဲ့ ညို၊ ကြိုးစာနေတယ် ဆိုရုံလေးနဲ့ လဲ့ ကျေနပ်ပါတယ်’
ညို။ ။ "ဒါပေမဲ့ ကြိုးစားရုံနဲ့မှ လဲ့ရဲ့ အခြေအနေကို ပုံမှန်ဖြစ်အောင် မလုပ်နိုင်ဘဲ"
လဲ့။ ။ "ကြိုးစားရမယ်လို့ ညိုပြောတဲ့ လေသံက ကြိုးစားပြမယ်လို့ ပြောသလိုပဲ။ မခံချင်လို့ ဖြစ်အောင် လုပ်မယ့်သဘော ပေါ်လွင်နေတယ်"
ညို။ ။ "ဟုတ်တယ်လေ။ ကိုယ်မခံချင်ဘူး။ လဲ့မိဘတွေက ကိုယ့်ကို ပြောခဲ့သားပဲ။ တို့သမီးကို ဒီထက်တော့ မနိမ့်ပါးစေချင်ဘူးတဲ့"
လဲ့။ ။ "အဲဒါ မိဘတွေမှာ အပြစ်လား။ တကယ်လို့ လဲ့မိဘတွေဟာ စာရေးစာချီ ဆိုရင်လည်း အဲဒီ အဆင့်တော့ ထားနိုင်ဖို့ ပြောရမှာပါပဲ"
ညို။ ။ "ဟုတ်ပါတယ်လေ။ ကိုယ်ဟာ စာရေးစာချီလောက်တောင် ဖြစ်အောင် မလုပ်နိုင်သေးဘူးလို့"
လဲ့။ ။ "ဘယ်လိုလဲ ညို၊ ငေါ့လို့ဝတော့ အားငယ်ပြန်ပြီလား"
ညို။ ။ "တစ်သက်လုံး အားမငယ်ဘူး။ ကြိုးစားမယ်လို့ ပြောပြီးပြီ မဟုတ်လား"
လဲ့။ ။ "တစ်ခုခုကို တစ်သမတ်တည်း ကြိုးစားတာ ကောင်းပါတယ် ညို။ ဒါပေမဲ့ ကိုယ်နဲ့ အဆင်ပြေမပြေ စဉ်းစားသင့်တယ်"
ညို။ ။ "ကိုယ်ပြောပြီးပြီပဲ။ အဲဒီ အလုပ်ရမှ လဲ့ကို ခုထက်ပိုပြီး တန်းစေ့ထားနိုင်မယ်လို့"
လဲ့။ ။ "ဖေဖေတို့ကို စိတ်ဆိုးတိုင်း ညို ထင်ရာ မပြောနဲ့။ လဲ့ ပြောနေတာက အဲဒီ အလုပ်မှ မဟုတ်ဘူး။ သင့်ရာတစ်ခုခု လုပ်ရင်း ယောက်ျား တစ်ယောက်ရဲ့ အားမာန်ကို ပြနိုင်ရင် ဖေဖေတို့ကို လဲ့ ပြောလို့ဆိုလို့ ရတာပေါ့"
ညို။ ။ "တစ်ခါလာလည်း ဖေဖေတို့၊ နှစ်ခါလာလည်း မေမေ့သဘောနဲ့ အချစ်ဆိုတာ ဒီအချိန်မှာ မိဘနဲ့ မဆိုင်ဘူးဆိုတာ မေ့နေပြီလား"
လဲ့။ ။ "တိုက်ရိုက်မဆိုင်ပေမယ့် လဲ့က မြန်မာအမျိုးသမီးပါ။ လဲ့ရဲ့အချစ်ကို ပေါ့ပေါ့တန်တန် မဖြစ်စေချင်ဘူး"
ညို။ ။ "ပေါ့တန်တယ်၊ လေးနက်တယ်ဆိုတာ အချစ်နဲ့ဆိုင်သလား"
လဲ့။ ။ "အိမ်ထောင်ရေးနဲ့တော့ ဆိုင်တယ် ညို’
ညို။ ။ "ဒါဆို လက်မထပ်ဘဲနေကြရုံပေါ့"
လဲ့။ ။ "ဘာလဲ အတူနေချစ်သူလား။ လဲ့ဟာ တန်ဖိုးမဲ့တဲ့ မိန်းကလေး မဟုတ်ဘူး"
ညို။ ။ "လဲ့ကို ဒီလောက်ထိ မပြောရဲပါဘူး။ မော်ဒန်ဘဝ"
လဲ့။ ။ "ဘာမော်ဒန်လဲ။ ဘုရားပေါ်ကို ရေကူးဝတ်စုံနဲ့ တက်ခိုင်းမလို့လား"
ညို။ ။ "မနှိုင်းကောင်းနှိုင်းကောင်း လဲ့ရယ်။ ကိုယ်ပြောတာက ချစ်ရုံ ချစ်နေကြဖို့ပါ"
လဲ့။ ။ "အိုးအိမ်ထူထောင်ဖို့ ထည့်မစဉ်းစားတော့ ဘူးလား"
ညို။ ။ "ဒါကြောင့် ကြိုးစားနေတယ် ပြောပါရော"
လဲ့။ ။ "ညို စကားတွေက ပ်နေပြီ။ လဲ့ ရှင်းရှင်းပဲမေးမယ်။ ဘယ်လောက် စောင့်ရမှာလဲ’
ညို။ ။ "အခြေအနေအရပဲ လဲ့"
လဲ့။ ။ "ဘာအခြေအနေလဲ။ စီးပွားရေး အခြေအနေလား၊ ပညာရေး အခြေအနေလား"
ညို။ ။ "နှစ်ခုစလုံးပဲ လဲ့"
လဲ့။ ။ "ပညာရေး အခြေအနေကတော့ ဟုတ်ပါပြီ။ ဘွဲ့ရဖို့ အလွန်ဆုံးစောင့်ရ လေးနှစ်ပေါ့။ စီးပွားရေး အခြေအနေက"
ညို။ ။ "ဘာကြောင့် လောနေတာလဲ လဲ့။ အခု ရေတွင်းတူး အခု ရေကြည် သောက်ချင် လို့လား"
လဲ့။ ။ "ရေကြည် ရမရ သိဖို့လိုတယ်"
ညို။ ။ "ကိုယ်က ရေတွင်းတူးသမား မဟုတ်ဘူး"
လဲ့။ ။ "စကားကို ကပ်ဖဲ့မပြောနဲ့ ညို။ ဒီကနေ့ဟာ အရာရာမှာ အထိုက်အလျောက် တတ်သိနေရမယ်"
ညို။ ။ "ကောင်းပြီ။ ဒါဆိုရင် ကိုယ်တစ်ခုခု အမြန်လုပ်မယ်။ လဲ့ လက်ခံမလား"
လဲ့။ ။ "တွေ့ကရာ လုပ်လို့တော့ ရမလား ညို"
ညို။ ။ "ဒါကြောင့် လဲ့ကို ဖောက်ပြန်တဲ့ သမီးပျိုလို့ ပြောတာပေါ့"
လဲ့။ ။ "ဖေဖေတို့ကို ဆွဲမထည့်နဲ့။ ဖေဖေတို့ဟာ သာမန်အရာရှိပဲ။ ပြီးတော့ ခုခေတ်မှာ ဖောက်ပြန်တာတွေ တိုးတက်တာတွေ မရှိတော့ဘူး။ ရိုးသားမှုပဲ လိုတယ်"
ညို။ ။ "ကိုယ်က မရိုးသားဘူးလား။ ဆင်းရဲပေမယ့် ရိုးသားပါတယ် လဲ့"
လဲ့။ ။ "လူဆင်းရဲတိုင်းလည်း မရိုးသားပါဘူး။ လူချမ်းသာတိုင်းလည်း မကောက်ကျစ်ပါဘူး။ လဲ့တို့လို သာမန်လူတွေဟာလည်း ရိုးသားပါတယ်လို့ မပြောနိုင်ပါဘူး"
ညို။ ။ "ဒါဆို ရိုးသားတဲ့လူ လောကမှာ မရှိတော့ဘူးပေါ့"
လဲ့။ ။ "ဒါပေမဲ့ အဲဒီ လူသုံးမျိုးစလုံးမှာ ရိုးသားတဲ့လူတွေ ရှိကြပါတယ်လို့ ပြောတာပါ"
ညို။ ။ "ကိုယ်က ရိုးသားပါတယ်၊ ကြိုးစားပါတယ် လဲ့"
လဲ့။ ။ "ခက်တာက မတိုးပွားတာပဲ ညို"
ညို။ ။ "ဘာလဲ လဲ့တို့နဲ့ တန်းတူလောက် တိုးပွားမှ လက်ထပ်မှာတဲ့လား လဲ့"
လဲ့။ ။ "ရိုးရိုးသားသား ပြောရရင် လဲ့ကို ရှေ့က ဦးဆောင်နိုင်ရင်တော့ အကောင်းဆုံးပဲ။ ဒီလိုပြောလို့ ညို့ကို မှီခိုချင်နေတယ်တော့ မထင်လေနဲ့။ လဲ့ကလည်း ကြိုးစားနေမယ့် မိန်းမတစ်ယောက် ဆိုတာ သိပါ"
ညို။ ။ "ပြန်ကြစို့ လဲ့"
လဲ့။ ။ "ခဏခဏလည်း မတွေ့ပါရစေနဲ့ ညို"

++++++++++

အခန်း(၂)

တည်နေရာ။ ။ ဆာကူရာမျှော်စင် အပေါ်ဆုံးထပ် ကော်ဖီဆိုင်
(ကိုစံလွင် နှင့် စိမ်းလဲ့)
စံ။ ။ "ကျွန်တော် ပြုစုပါရစေနော်’
လဲ့။ ။ "ဟင်း ဟင်း ကျွန်မလည်း မတတ်နိုင်ပါဘူးရှင်"
စံ။ ။ "ကျွန်တော် ရိုးရိုးသားသား ပြောတာပါဗျာ"
လဲ့။ ။ "ကျွန်မကလည်း မထေ့တတ် မငေါ့တတ်ပါဘူးရှင်"
စံ။ ။ "မလဲ့ စိတ်ထားကို ကျွန်တော် သိပါတယ်ဗျာ"
လဲ့။ ။ "အရမ်းကြီးလည်း အထင်မကြီးလိုက်ပါနဲ့ဦးရှင်။ ကျွန်မလည်း သာမန်ပုထုဇဉ် တစ်ယောက်ပါ။ တစ်ခါတလေလည်း ဘဝင်မြင့်တတ်ပါတယ်။ တစ်ခါတလေတော့ သိမ်ငယ်တတ်တယ်"
စံ။ ။ "ဒီလိုလည်း မဟုတ်သေးဘူးဗျ။ ကိုယ့်ကိုယ်ကိုယ် ယုံကြည်တာကို ရိုရိုကျိုးကျိုး ဆက်ဆံတာမျိုးလည်း ရှိတတ်ပါတယ်"
လဲ့။ ။ "ကိုစံလွင်က အကောင်းမြင်တတ်တယ်နော်’
စံ။ ။ "နေရာတိုင်းတော့ မဟုတ်ပါဘူးဗျာ"
လဲ့။ ။ "ကျွန်မမို့လို့ အကောင်းမြင်ပေးတာလား"
စံ။ ။ "ဟဲ ဟဲ ဖြစ်နိုင်တယ်ဗျ။ ကျွန်တော်က မလဲ့ကို ..."
လဲ့။ ။ "ရှင့်စိတ်ထဲမှာ အပိုင်တွက်ထားပြီလားဟင်"
စံ။ ။ "ဟာ ဒီလိုမဟုတ်ပါဘူး။ ခုကိစ္စက လူကြီးချင်း နားဖောက်ထားရုံ ရှိပါသေးတယ်"
လဲ့။ ။ "ကျွန်မ မိဘဘက်ကတော့ သဘောတူတဲ့ အဆင့်ပဲ ရှိပါသေးတယ်နော်"
စံ။ ။ "ဟုတ်ပါတယ်၊ ဟုတ်ပါတယ်။ ကျွန်တော် စကားပြော လောကြီးသွားတာပါ။ ဆောရီးပါ"
လဲ့။ ။ "ဒါပေမဲ့ ကျွန်မ ခုလို ကိုစံလွင်နဲ့ နှစ်ယောက်တည်း ကော်ဖီဆိုင် ထိုင်တယ် ဆိုတော့လည်း ကျွန်မဘက်ကပါ မဲရနေပြီလို့ မထင်မိဘူးလား"
စံ။ ။ "မထင်မိတာ မဟုတ်ပါဘူးဗျာ။ မထင်ရဲတာပါ"
လဲ့။ ။ "ကျွန်မက ကြောက်စရာ ကောင်းလို့လား"
စံ။ ။ "မဟုတ်ပါဘူး။ လေးစားမိတာပါ"
လဲ့။ ။ "ဒါတော့ ကျွန်မ ကျေနပ်တယ်။ မိန်းကလေး တစ်ယောက်ကို လေးစားရ ကောင်းမှန်းသိလို့"
စံ။ ။ "ကျွန်တော်က ဘယ်သူဖြစ်ဖြစ် တလေးတစား ဆက်ဆံတတ်ပါတယ်"
လဲ့။ ။ "ကိုစံလွင်ရဲ့ အလုပ်သမားတွေကိုရော"
စံ။ ။ "ခက်သားလားဗျာ။ တချို့က ရင်းရင်းနှီးနှီး ဆက်ဆံရင် ရောင့်တက်ချင်ကြတယ်။ ဒီတော့ တစ်ခါတလေ အော်ရငေါက်ရတယ်"
လဲ့။ ။ "အဲ ပြောထားရဦးမယ်။ ကျွန်မက အော်တာငေါက်တာ မကြိုက်ဘူးနော်"
စံ။ ။ "ဟာ ဒါတော့ စိတ်ချပါ"
လဲ့။ ။ "အရမ်း ကတိမပေးနဲ့လေ။ ခုဟာက နှစ်ဦးသား ဆွေးနွေးနေတုန်း ကာလလေ။ မတော်တဆ အိမ်ထောင်သည် ဖြစ်သွားမှ ဪ ... ယောင်လို့ယောင်လို့"
စံ။ ။ "ဟဲ ဟဲ၊ ခု ကျွန်တော်တို့ ဆွေးနွေးနေကြတာလည်း အိမ်ထောင်ရေးကိစ္စ မဟုတ်ဘူးလားဗျ။ ဘာကြောင့် ယောင်လို့တွေ ဘာတွေ လုပ်ရမှာလဲ’
လဲ့။ ။ "ဟုတ်တယ်လေ။ သေမှ မသေချာသေးတာ"
စံ။ ။ "ကျွန်တော့်သဘောကတော့ ခုလို ဒူးတိုက်ဆွေးနွေးရင်း၊ ကန်တော့နော်။ တစ်ယောက်သဘော တစ်ယောက် ညှိကြရင်း အဖြေထွက်လာမလား လို့ပါ"
လဲ့။ ။ "အဖြေက No ဆိုရင်ရောရှင်"
စံ။ ။ "ဟာ ကျွန်တော့်ဘက်ကတော့ Yes ပါပဲ"
လဲ့။ ။ "သေချာရဲ့လားရှင်။ တော်နေကျမှ ရှင်မကြိုက်တဲ့ အပြုအမူတွေ ကျွန်မမှာ ရှိနေရင်။ ဥပမာ- ကျွန်မက ခဏခဏ စိတ်ကောက်တတ်တာမျိုး"
စံ။ ။ "ခွင့်လွှတ်သင့်ရင် ခွင့်လွှတ်ရမှာပေါ့လေ"
လဲ့။ ။ "နော့ ခွင့်မလွှတ်နိုင်ရင်ရော"
စံ။ ။ "နားရင်းရိုက်ရုံပေါ့။ ဟား ဟား ဟား"
လဲ့။ ။ "စကား စကား ပြောဖန်များ စကားထဲက ဇာတိပြတဲ့နော်"
စံ။ ။ "ရယ်စရာ ပြောတာပါဗျာ။ ကျွန်တော် မိကောင်းဖခင် သားသမီးပါ။ ခေတ်ပညာတတ် လူယဉ်ကျေး တစ်ယောက်ပါ။ မိန်းမရိုက်တာ ကျွန်တော် မထောက်ခံပါဘူး"
လဲ့။ ။ "ဘာရယ် မိန်းမ ဟုတ်လား"
စံ။ ။ "ဟုတ်ပါတယ်။ နော့ မလဲ့က အမျိုးသမီး မဟုတ်လား"
လဲ့။ ။ "ကိုစံလွင်က စကားတတ်သားပဲ။ ပညာတတ်ကြီးမို့ ထင်ပါရဲ့"
စံ။ ။ "မလဲ့လည်း ဘွဲ့ရတစ်ယောက် ပါပဲလေ"
လဲ့။ ။ "ကျွန်မဘွဲ့က ရိုးရိုးဘွဲ့ပါ။ ကိုစံလွင်လို နိုင်ငံခြားက ယူလာတဲ့ ဘွဲ့မှ မဟုတ်တာ"
စံ။ ။ "ကျွန်တော့်ကိုယ်တွေ့ကတော့ ဘွဲ့ဆိုတာ ပညတ်ပါ။ တကယ်က လူတစ်ယောက်ရဲ့ ဦးနှောက်အဆင့်အတန်းကသာ ပညာပါ"
လဲ့။ ။ "ဒါပေမဲ့ ကျွန်မကတော့ တက္ကသိုလ်ပညာကို အများကြီး သင်ချင်သေးတာ"
စံ။ ။ "နောင်တစ်ချိန်ကျတော့ ဆက်သင်ခွင့်၊ အဲလေ ဆက်သင်ချင် သင်ပေါ့ဗျာ"
လဲ့။ ။ "ပြီးတော့ ရှိသေးတယ်ရှင့်။ ကျွန်မက မတော်တဆပေါ့ရှင်။ နောက်တစ်ချိန်ကျရင် လက်ရှိ ကျွန်မလုပ်နေတဲ့ အလုပ်ကလေးကိုလည်း ဆက်လုပ်ချင်တာ"
စံ။ ။ "လုပ်ပေါ့ဗျာ။ မိန်းမသားတွေ အလုပ်လုပ်နေတာ ကျွန်တော် သဘောတူတယ်။ ဣနြေ္ဒတစ်ပါးလို့ ထင်တယ်။ ကျွန်တော့် ကုမ္ပဏီမှာလည်း အမျိုးသမီးဝန်ထမ်းတွေ အများကြီးပါတယ်"
လဲ့။ ။ "အို ... ကျွန်မက ရှင်တို့ ကုမ္ပဏီမှာတော့ မလုပ်ချင်ဘူးနော်။ ကျွန်မက ကိုယ်ရထားတဲ့ဘွဲ့နဲ့ ဆိုင်တဲ့ အလုပ်ပဲ လုပ်ချင်တာ"
စံ။ ။ "သဘောပါပဲဗျာ။ ပြီးတော့ မလဲ့လုပ်နေတဲ့ ကုမ္ပဏီနဲ့ ကျွန်တော့်ကုမ္ပဏီလည်း အဆက်အဆံ ရှိပါတယ်"
လဲ့။ ။ "အဲဒါကိုလည်း စိုးရိမ်မိတယ်ရှင့်။ ကိုစံလွင်တို့ ကုမ္ပဏီကြီးက ကြီးမားတယ်လေ"
စံ။ ။ "ဟာ အဲသလို လက်ဝါးကြီးအုပ်တဲ့ အလုပ်မျိုး ကျွန်တော် မလုပ်တတ်ပါဘူး"
လဲ့။ ။ "ကျွန်မကတော့ ပိုက်ဆံရှိတဲ့သူတွေဟာ ပိုပြီး ချမ်းသာချင်ကြတယ် ထင်တာပဲ"
စံ။ ။ "ကျွန်တော် ရိုးရိုးပြောမယ်နော်။ မချမ်းသာချင်တဲ့သူ ဘယ်သူရှိမှာလဲဗျာ"
လဲ့။ ။ "ပိုမချမ်းသာချင်တဲ့ သူတွေတော့ ရှိတယ်ရှင့်"
စံ။ ။ "မလဲ့ရယ် ကျွန်တော်နဲ့ ကျွန်တော့်မိသားစုအကြောင်း မလဲ့ သိတန်သလောက် သိပြီးသားပါ"
လဲ့။ ။ "ဟုတ်ပါတယ်လေ။ မျိုးနဲ့ရိုးနဲ့ ချမ်းသာခဲ့တယ်။ လက်ရှိလည်း ချမ်းသာနေတယ်။ တစ်ဦးတည်းသောသား ဖြစ်တဲ့ ကိုစံလွင်က အမွေ အကုန်လုံးရမယ်။ ပြီးတော့ ..."
စံ။ ။ "ကိုင်းဗျာ။ ဒါဆို ကျွန်တော် ဒီ့ထက်ချမ်းသာဖို့ လိုသေးလား"
လဲ့။ ။ "ထားပါတော့လေ။ ကိုစံလွင်က ဒီ့ထက် မချမ်းသာချင်တော့ဘူးပဲ။ အင်း ကျွန်မကတော့ လက်ရှိကျွန်မရဲ့ အခြေအနေထက် ပိုမချမ်းသာချင်တာ အမှန်ပါပဲ"
စံ။ ။ "ဒါကတော့ဗျာ။ လင်နဲ့မယား ဖြစ်လာရင် ... အဲလေ ဆောရီးနော်။ ဥစ္စာပစ္စည်း ဆိုတာ နှစ်ဦးပိုင်ပဲပေါ့"
လဲ့။ ။ "ကျွန်မကတော့ မမက်ရိုး အမှန်ပဲ။ လက်ရှိ နေနိုင်၊ စားနိုင်၊ လှူနိုင်တဲ့ဘဝကိုပဲ စိတ်ချမ်းသာတယ်"
စံ။ ။ "ဒါဆို ခုနှယ် ... မလဲ့ သိန်းငါးရာဆု ပေါက်ရင်ကော’
လဲ့။ ။ "ဒါက ကျွန်မပိုက်ဆံလေ"
စံ။ ။ "ကဲပါဗျာ။ အိမ်ထောင်ကျလို့ သားသမီးတွေ ..."
လဲ့။ ။ "ကိုစံလွင် စကားကြည့်ပြောပါနော်"
စံ။ ။ "ဆောရီးဗျာ။ ကျွန်တော်က ဖြစ်လာနိုင်တဲ့ တရားသဘောကို ပြောမိတာပါ။ ဘာပဲဖြစ်ဖြစ်ဗျာ။ ရှေ့ရေးကိုတော့ တွေးသင့်ပါတယ်"
လဲ့။ ။ "ဒီမှာကိုစံလွင် အခု ရှင်ချမ်းသာသမျှတွေရော မြဲမယ် ထင်သလား"
စံ။ ။ "စီးပွားဥစ္စာတွေက မြဲသည့်တိုင်အောင် အခု မလဲ့နဲ့ လမ်းခွဲပြီး အပြန်မှာ ကျွန်တော်ဟာ ရုတ်တရက် သေချင်သေသွားနိုင်တာ ကျွန်တော် သဘောပေါက် ပါတယ်"
လဲ့။ ။ "အို ... ရှင်၊ နိမိတ်မရှိ နမာမရှိ"
စံ။ ။ "ဟာ ကျေးဇူးတင်လိုက်တာဗျာ။ မလဲ့ ကျွန်တော့်အတွက် စိတ်ပူတတ်သားပဲ"
လဲ့။ ။ "ဟာ ဒါကတော့ မိတ်ဆွေလို ပြောတာပါ"
စံ။ ။ "ကောင်းပြီဗျာ။ ဒါဖြင့် ဟောဟိုစားပွဲက ပုဂ္ဂိုလ်ကြီးကိုရော မလဲ့ စိတ်ပူပေးနိုင်မလား"
လဲ့။ ။ "အဓိပ္ပါယ် မရှိတာရှင်။ လူတိုင်းအတွက် စိတ်ပူနေရရင် ခက်ခက်ရချည့်"
စံ။ ။ "ဒါပါပဲဗျာ။ စောစောကပြောတဲ့ ဥစ္စာဓနတို့၊ ပညာရေးတို့၊ အိမ်ထောင်ရေးတို့ ဆိုတာ သင်္ခါရတွေပါ။ တကယ်တော့ မေတ္တာတရားကသာ ထာဝရပါ"
လဲ့။ ။ "အောင်မယ်။ စိတ်ပူမိတာလေးနဲ့တင် မေတ္တာဖြစ်ရောတဲ့လား"
စံ။ ။ "ခု ဆွေးနွေးနေကြတာ အိမ်ထောင်ရေးပါဗျာ။ မေတ္တာတရားက အခြေခံပါတယ်"
လဲ့။ ။ "မေတ္တာကတော့ လူတိုင်းအပေါ် ထားနိုင်ပါရဲ့ရှင်"
စံ။ ။ "ဒါဆို ကျွန်တော် ပွင့်ပွင့်လင်းလင်းပဲ ပြောမယ်။ အချစ် ဗျာ"
လဲ့။ ။ "အို ကျွန်မက ချစ်တယ်လို့လည်း မပြောဖူးပါလား"
စံ။ ။ "ကျွန်တော်ကတော့ လူကြီးတွေ မိတ်ဆက်ပေးကတည်းက ချစ် ချစ် ... အဲ"
လဲ့။ ။ "ပြောနိုင်ပါတယ်ရှင်။ ဒါ ရှက်စရာမဟုတ်ပါဘူး။ ကျွန်မလည်း ပွင့်ပွင့်လင်းလင်း ပြောထားပါမယ်။ ကျွန်မမှာ ချစ်သူရှိတယ်"
စံ။ ။ "ဗျာ"
လဲ့။ ။ "အံ့ဩသွားတာလား။ စိတ်ညစ်သွားတာလားရှင်’
စံ။ ။ "ရိုးရိုးပြောရရင် မနာလိုဖြစ်သွားတာဗျ"
လဲ့။ ။ "အလို ကျွန်မက နှစ်ယောက်စလုံးကို လက်ခံထားတာမှ မဟုတ်တာ။ ကိုစံလွင်ကို ဆိုရင် အိမ်ထောင်ဖက်အဖြစ် ရွေး မရွေး စဉ်းစားနေတုန်းပါ"
စံ။ ။ "ကျွန်တော် ဆိုလိုတာက ကျွန်တော့်ထက် ဦးသွားသူ ရှိနေလို့ မနာလိုဘူးလို့ ပြောတာပါ"
လဲ့။ ။ "ဒါပေမဲ့ သူ့ကို လက်ထပ်မယ်လို့ မပြောခဲ့သေးပါဘူး။ ဒီလိုပြောလို့ ငါးရံ့နှစ်ကောင် ဖမ်းတယ်လို့ မထင်စေချင်ဘူးနော်"
စံ။ ။ "သဘောပေါက်ပါတယ်။ ချစ်တာနဲ့ လက်ထပ်တာ တခြားစီဆိုတာ လက်ခံပါတယ်"
လဲ့။ ။ "အို ကျွန်မက မချစ်ဘဲနဲ့လည်း လက်မထပ်ချင်ဘူးလေ။ ခုဟာက မိဘတွေရဲ့ စိတ်ချမ်းသာဖို့အတွက် ထည့်ပြီး စဉ်းစားပေးနေတာပါ"
စံ။ ။ "ကျွန်တော့်အပေါ် မေတ္တာတုံ့ပြန်လို့ မရဘူးလား"
လဲ့။ ။ "မေတ္တာထားနိုင်လောက်အောင် ကြိုးစားပါ့မယ်။ ဒါပေမဲ့ စောစောကပြောသလို ငွေကြေးဥစ္စာတွေကြောင့် မဟုတ်ဘူးနော်"
စံ။ ။ "ကျွန်တော် ပြောခဲ့ပြီးပြီပဲဗျာ။ အဲဒါတွေက ပညတ်တွေပါလို့"
လဲ့။ ။ "လိုတော့ လိုအပ်တယ်လို့တော့ ရှင်ထင်တယ် မှတ်လား"
စံ။ ။ "ဒီနေ့ တစ်ကမ္ဘာလုံးက စီးပွားရေးကို အဓိက ထားနေကြပါတယ်။ မလဲ့ရယ်"
လဲ့။ ။ "ခက်တာက အဲဒီ အယူအဆကို ကျွန်မက လက်မခံနိုင်တာပါပဲ"
စံ။ ။ "ခက်ပါလား မလဲ့ရယ်။ ကျွန်တော့်မှာ ငွေကြေး ချမ်းသာတယ်။ ပညာတွေ တတ်တယ်။ ရိုးရိုးသားသားပဲ အလုပ်လုပ်နေတယ်။ ပြောရရင် ကျွန်တော့်မှာ ရည်းစားတောင် မရှိခဲ့ပါဘူး"
လဲ့။ ။ "အဲဒီလောက် ပြည့်စုံနေတော့လည်း ကြောက်တယ်ရှင့်"
စံ။ ။ "ဘဝပေး ကံကောင်းသူလို့ပဲ သဘောထားလို့ မရဘူးလား"
လဲ့။ ။ "နော့ စောစောကပြောတော့ ဥစ္စာပစ္စည်းဆိုတာ ပညတ်ဆို မမြဲပါဘူးဆို"
စံ။ ။ "ဟုတ်တယ်လေ။ အဲဒီတော့ တစ်နေ့မှာ ကျွန်တော် မွဲချင်ရင် မွဲသွားမယ်။ အဲဒီအခါ လက်တွဲနိုင်မနိုင် ဆိုတာ မလဲ့ စဉ်းစားရမှာပါ။ ကျွန်တော့်ဘက်ကတော့ မလဲ့ ဘယ်အခြေအနေ ရောက်ရောက် လက်ထပ်မှာပါ။ ချစ် ... အဲ ... ချစ်မှာပါ"
လဲ့။ ။ "ပြောကြတာပါပဲလေ။ ပြောအားလည်း ရှိတာကိုး"
စံ။ ။ "ခက်ပါလား မလဲ့ရယ်။ တစ်ခါလာလည်း စီးပွားဥစ္စာ၊ တစ်ခါလာလည်း ဒီဘွဲ့တွေ ဂုဏ်ထူးတွေ ကျွန်တော်တော့ မလဲ့ကို မစဉ်းစားတတ်တော့ဘူး"
လဲ့။ ။ "ကျွန်မကိုယ် ကျွန်မတောင် ပိုက်ဆံချမ်းသာတဲ့ လူတွေကို ဘာကြောင့် ကြောက်နေတယ် ဆိုတာ စဉ်းစားလို့ မရတော့ဘူး"
စံ။ ။ "ကျွန်တော် ရှင်းရှင်းပဲ မေးမယ်။ ကျွန်တော့် ရှိသမျှတွေ စွန့်ပြီး မလဲ့နဲ့ တစ်တန်းတည်း နေပြရမလား"
လဲ့။ ။ "ဒါ ဖြစ်မှမဖြစ်နိုင်တာ"
စံ။ ။ "ကဲဗျာ ဒါဆို မလဲ့က ဘာဖြစ်စေချင်တာလဲ"
လဲ့။ ။ "ဟော ပြောရင်းက ဒေါသသံ ပါလာပြီ"
စံ။ ။ "ခက်ပါလား မလဲ့ရယ်"
လဲ့။ ။ "အချစ်ရေး ဆိုတာ ခက်မှာပါပဲ ကိုစံလွင်ရယ်"
စံ။ ။ "ကဲပါဗျာ။ ကျွန်တော်လည်း အစည်းအဝေး ရှိသေးတယ်။ နောက်တစ်ကြိမ် တွေ့ကြသေးတာပေါ့"
လဲ့။ ။ "ကောင်းပါပြီရှင်။ ကိုစံလွင့်အစည်းအဝေးက အရေးကြီးတာကိုး"
စံ။ ။ "ဟူး ..."

+++++

အခန်း(၃)

တည်နေရာ။ ။လမ်းဘေးလက်ဖက်ရည်ဆိုင်
(ညိုအောင်တစ်ယောက်တည်း စိတ်ကူးဖြင့် ပြောဆိုနေ)
ညို။ ။ "ငါဆင်းရဲနေတာကပဲ အပြစ်တစ်ခုဖြစ်နေပြီလား"
တည်နေရာ။ ။ မစ္စတာဂစ်တာကဖေး
(စိမ်းလဲ့တစ်ယောက်တည်း စိတ်ကူးဖြင့် စကားပြောနေ)
လဲ့။ ။ "ဆင်းရဲတာ ချမ်းသာတာနဲ့ ရိုးသားမှု ဆိုင်သလား"
တည်နေရာ။ ။ ဆာကူရာအပေါ်ဆုံးထပ် ကဖေး
(ကိုစံလွင် တစ်ယောက်တည်း စိတ်ကူးဖြင့် စကားပြောနေ)
စံ။ ။ "အင်း ငါချမ်းသာမိလို့ အချစ်ကို မရတော့ဘူးလား"
[မှတ်ချက်-
ဤဝတ္တုရေးဟန်မှာ အသစ်အဆန်း မဟုတ်ဘူး။ ၁၉၇၄ က ရှုမဝ မဂ္ဂဇင်းတွင် ‘စနေချစ်သူ’ ဟူ၍ စကားပြောဟန်ဖြင့် ရေးဖူးပါသည်။]

- သုမောင် -
[ ကိုစံလွင် - မစော ဝတ္ထုတိုများ စာအုပ်မှ ]
Credit: Wun Zinn

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246